خبريال: مدثر دعوت
د هندوستان کريکټ ملي لوبډلي پخواني تيز توپ اچوونکي عرفان پټان د روژې پر اهميت او ارزښت خبري کړي.
عرفان پټان په يو ويډيوي پيغام کي چي پرخپل ټويټر اکاونټ يې خپور کړی، د روژې د مبارکۍ ترڅنګ يې ويلي:” خلک فکر کوي چي روژه نيول به ډير سخت وي او دا د خدای له طرفه يو ازموينه ده خو روژه ازموينه نده بلکي د عبادت لپاره يو موقع ده”.
دی وايي: ” موږ او تاسو تل په کارونو کي مشغول يوو او عبادت لږ کوو خو دا ځل روژه په قرنطين حالت کي ده او موږ ته يو چانس او موقع ده ،د نفل لمونځ لپاره ښه پوره وخت سته او د قران شريف تلاوت ته هم ښه ډير وخت لرو،دی وايي خپل عبادت ته پاملرنه وکړئ تر څو ثوابونه وګټئ.
پټان وايي:” تر دې مخکي دومره ښه روژه نه راغلې وه او نه به هم راسي ،ډيره ښه تيريږي،ځانته، خپلوانو او ټولو ته دعاوي وکړئ”.
عرفان پټان د يوسف پټان کشر ورور دی،پلار يې د مسجد ملا دی او يوه متدينه کورنۍ يې ده.
دواړو وروڼه د هندوستان کريکټ په ملي لوبډلي کي د مهمو الراونډارونو په حيث لوبيدلي دي.
په لاندي لينک کي د عرفان پټان ويډيو وګورئ:
Ramadan Mubarak everyone. #stayhome #staysafe #followthelockdown pic.twitter.com/os2UxwrsIc
— Irfan Pathan (@IrfanPathan) April 24, 2020
