اتم د مې چې د کډوالو مرغانو د نړیوالې ورځې سره سمون خوري، په نیمروز ولایت کې د کمال خان بند جوړېدو سره ډېر کډوال مرغان افغانستان ته راغلي دي.
د افغانستان چاپیریال اداره وايي، چې د کمال خان بند جوړول په افغانستان کې د کډوالو مارغانو په راستنيدو کې مهم رول لوبوي.
دا لا تردې دمه نه ده معلومه، چې هر کال څومره کډوال مرغان افغانستان ته را الوزي، خو د افغانستان د چاپیریال ساتنې ادارې په وینا په افغانستان کې تر پنځو سوو ډوله کډوال مارغان لیدل شوې دي، چې پدې ډولونو کې کاميابه هيلۍ هم شاملي دي.
په بدخشان کې “واخان کوريدور”، په تخار کې “درقد ټاپو “، په کندز کې د “امام صاحب” ځنګل ، د بلخ پراخي دښتي، په کابل کې حشمت خان کمر ، په غزني کې د نوار دښته او په کندهار کې د ځینې سیمو؛ دا مارغان له دغو خوندي ځایونو څخه دي، چې هر کال له ګاونډیو هېوادونو څخه افغانستان ته په لکهاو مارغان راځي.
که څه هم په افغانستان کې د کډوالو مرغیو ښکار غیرقانوني دی، خو د بده بخته چې کډوالي مرغۍ په پراخه کچه زموږ په هېواد کې ښکار کېږي.
