د ایرلینډ هیواد د ازادي مبارزې «MMA» تکړه او نامتو لوبغاړی کانور مکګرګور د ۲۰۲۰م کال تر ټولو زیاتې پیسې لاسته راوړونکی لوبغاړی وشمېرل شو.
امریکايي ورځپاڼې فوربس د تېر کال تر ټولو زیاتې پيسې لاسته راوړونکي لوبغاړي اعلان کړل، چې مکګرګور د ۱۸۰ میلیونه ډالره په ترلاسه کولو سره حتا د نړۍ تر نامتو ورزشکارانو لیونل میسي او رونالډو هم مخکي شو او په لومړي نمبر کې راغی او د فوربس ورځپاڼې لخوا د لومړي ځل لپاره دا مقام خپلوي.
د یادي ورځپاڼې د راپور په بنسټ ۳۲ کلن مکګرګور د تېر کال په ۱۲ میاشتو او د روان ۲۰۲۱م کال د مې میاشتې تر لومړۍ نېټې پورې ۱۸۰ میلیونه ډالره د ملاتړ، اعلاناتو او لوبو له امله ترلاسه کړې دي.
🥇 Conor McGregor
🥈 Lionel Messi
🥉 Cristiano Ronaldo— Sky Sports (@SkySports) May 13, 2021
د فوربس په ورځپاڼه کې دویم ځای د بارسلونا کلب نامتو فوټبالر لیونل میسي خپل کړی، هغه په تېر کال کې ۱۳۰ میلیونه ډالره لاسته راوړې، چې دا یې بیا خپله د یوه فوټبالر په توګه نړیوال ریکارډ خپل کړ.
تر میسي وروسته په درېیمه درجه کې د یوونټوس کلب بل نامتو فوټبالر کریسټیانو رونالډو راغلی، رونالډو ۱۲۰ میلیونه ډالره لاسته راوړې دي.
د فوربس ورځپاڼې لخوا د کال زیاتې پیسې لاسته راوړونکي لس لوبغاړي
۱ـ کانکر مکګرګور؛ د ازادي مبارزې لوبغای، ۱۸۰ میلیونه ډالره.
۲ـ لیونل میسي؛ د نامتو لوبې فوټبال لوبغاړی، ۱۳۰ میلیونه ډالره.
۳ـ کریسټیانو رونالډو؛ دا هم د فوټبال لوبغاړی دی، ۱۲۰ میلیونه ډالره.
۴ـ ډاک پریکوټ؛ امریکايي فوټبالر دی، ۱۰۷،۵ میلیونه ډالره.
۵ـ لیبرون جېمز؛ د باسکیټبال لوبغاړی دی، ۹۶،۵ میلیونه ډالره.
۶ـ نیمار؛ د پاریسن جرمېن فوټبال لوبډلې لوبغاړی دی، ۹۵ میلیونه ډالره.
۷ـ روګیر پیدریر؛ د ټېنس لوبې لوبغاړی دی، ۹۰ میلیونه ډالره.
۸ـ لیویز همیلټون؛ د موټر ځغلونې لوبغاړی دی، ۸۲ میلیونه ډالره.
۹ـ ټام برېډي؛ امریکايي فوټبالر دی، ۷۶ میلیونه ډالره.
۱۰ـ کیون ډورانټ؛ د باسکټبال لوبغاړی دی، ۷۵ میلیونه ډالره.
