د افغانستان د ملي امنیت پخواني سلاکار او د ولسمشرۍ د څوکۍ کاندید حنیف اتمر، په افغانستان کې د یو موقت حکومت د جوړیدو په اړه د پاکستان د لومړي وزیر عمران څرګندونې غندلې او دایې د افغانستان په چارو کې لاسوهنه بللې ده.
نوموړې پر خپل ټویټر په خپاره کړو پیغامونو کې خپل هغه پخواني همکاران هم ملامته کړي چې دا یې د عمران خان د څرګندونو په ملاتړ تورن کړی دی.
حنیف اتمر پر خپل ټویټر لیکلي” د افغانستان حکومت خپل مشروعیت د افغانستان له خلکو اخلي، نه د ګاونډیو هیوادونو له مشرانو څخه چې غواړي زموږ په چارو کې مداخله وکړي او زموږ د هیواد د راتلونکي سیاست او حکومت په اړه پریکړه وکړي.“
اظهارات اخیر صدر اعظم پاکستان مداخله در امور داخلی افغانستان است. حكومت افغانستان مشروعيت خود را أز مردم افغانستان می گیرد نه رهبران کشورهای همسایه ای که می خواهند در أمور داخلي ما مداخله كرده و در رابطه با آينده سیاست و حکومت کشورمان تصمیم بگیرند. ١/٤
— Mohammed Haneef Atmar (@MHaneefAtmar) March 26, 2019
ښاغلي اتمر زیاته کړې ” موږ د سولې او اعتدال په ټیم کې د پاکستان د لومړي وزیر ناسمې څرګندونې غندو، او له خپلو ګاونډیانو غواړو چې د افغانستان ملي حاکمیت او د افغانستان د نظام مشروعیت ته درناوی وکړي، او د ملتونو تر منځ د اړیکو نړیوال نورمونو ته پابند و اوسي“
ما در تیم صلح و اعتدال اظهارات نادرست صدر اعظم پاکستان را محکوم میکنیم. ما از همسایگان خود میخواهیم به حاكميت ملي و مشروعیت نظام افغانستان احترام بگذارند و نسبت به نورم های بین المللی در رابطه با روابط بين ملت ها پا بند باشند. ٢/٤
— Mohammed Haneef Atmar (@MHaneefAtmar) March 26, 2019
د حنیف اتمر په وینا دوی د جوزا له لومړۍ نیټې څخه د افغانستان ملي ګټو او کورني سیاسي وضیعت ته په پام د سرپرست حکومت د جوړیدو غوښتنه کړې چې په بشپړه توګه به د افغانستان د اساسي قانون په رڼا کې تعقیبیږي.
موقف ما در رابطه با ايجاد حکومت سرپرست بعد از اول جوزا بر اساس منافع ملی وضعيت سياسي داخل كشور بوده و كاملن در روشنایی احکام قانون اساسی افغانستان پیگیری خواهد شد. صرف نظر از ماهيت و هدف چنين مداخلات نامشروع خارجی ما بر موقف خود بر مبناي مصالح علياي كشور خود تأكيد مي كنيم. ٣/٤
— Mohammed Haneef Atmar (@MHaneefAtmar) March 26, 2019
له خپلو پخوانیو همکارانو څخه ګیله
حنیف اتمر په وروستیو کې په مزار شریف کې په یو غونډه کې د جوزا میاشتې له پیل سره د ولسمشر غني د کار دوام ناقانونه وباله او د هغه پر بې واکه کولو یې ټینګار وکړ، نوموړې په مزارشریف کې د وینا پر مهال ویلي وو، له دې نېټې وروسته به زموږ لومړیتوب د موقت حکومت جوړول وي؛ دا حکومت باید د سولې هڅې او د راتلونکو ټاکنو ترسره کیدل په ښه ډول مدیریت کړي.
په همدې ورځ د پاکستان لومړي وزیر عمران خان له قوله هم په رسنیو کې د افغانستان د سولې لپاره په دې هیواد کې د یو موقت حکومت پر جوړیدو د ټینګار راپورونه خپاره شول.
د ولسمشر اشرف غني ملاتړو او همکارانو د یو موقت حکومت د جوړیدو په اړه د ښاغلي اتمر وروستۍ غوښتنه، د پاکستان د لومړي وزیر له غوښتنې سره ورته وبلله.
د ملي امنیت پخواني ریس امر الله صالح چې په راتلونکو انتخاباتو کې د ولسمشر غني لومړی مرستیال دی، اتمر تورن کړ چې ګوندې د پاکستان د لومړي وزیر اجنډا مخکې وړي.
د ولسمشر غني یو ویاند شاه حسین مرتضوي هم پرته له دې چې په مستقیمه توګه د ښاغلي اتمر نوم واخلي پر خپل فیسبوک پاڼه ولیکل” د ګاونډیو ساز ته د موقت حکومت نڅا“
خو ښاغلي اتمر پر خپل ټویټر ویلي دي چې د خپلو پخوانیو همکارانو دا ډول ” غیرې منصفانه “ قضاوت مایوسه کړی دی. “ نوموړې ټینګار کړی چې دده د سولې او اعتدال ټیم د افغانستان د استقلال لپاره د اوږدو کلونو د مبارزې او قربانیو تاریخ لري.
در این شرایط واقعن از اظهارات همکاران سابق خود و قضاوت غير منصفانه شان، ناامید شدم، تاریخ از مبارزات و قربانی هایی که أعضاء تیم صلح و اعتدال طي سالهاي متمادي برای استقلال کشور به خرچ داده اند یاد خواهد کرد. ما همیشه در سمت درست تاریخ ایستاده بودیم و هميشه خواهیم ایستاد. ٤/٤
— Mohammed Haneef Atmar (@MHaneefAtmar) March 26, 2019
د غني پلویان او توندې نیوکې
حنیف اتمر چې پرلپسې څلور کلونه د ولسمشر غني په مشرۍ د اوسني حکومت د ملي امنیت د سلاکار په توګه کار کړی، وروسته له هغې د غني د پلویانو له سختو نیوکو او تورونو سره مخ شو چې له حکومت ووت او ورسته یې د یو شمیر جهادي او سیاسي لورو سره د یو ایتلاف څخه جوړ شوی انتخاباتي ټیم اعلان کړ.
حنیف اتمر چې یو مهال د یو فعال سیاستول او ښه مدیر په توګه نوم درلود، دده ځینو وروستیو دریځونو، ایتلافونو او څرګندونو یې مینه وال نهیلي کړل او سیاسي مخالفانو ته یې هم پر ده د توندو نیوکو فرصت برابر کړ.
ښايي یو څه د حنیف اتمر وروستی سیاسي موقفونه ددې سبب شوې وي چې پر نوموړې نیوکې زیاتې شي. خو تر یوه حده پورې دده سیاسي مخالفان په ځانګړې توګه د ولسمشر غني پلویان هم په خپلو نیوکو کې توند او د حدونو حیال نه ساتي.
د ډیرو په باور د سیاسي او انتخاباتي سیالیو په ترڅ کې باید افغان سیاستوال خپل مخالفان په دومره لویو تورونو تورن نه کړي چې د دوی تر منځ په پخواني شریک کار د خلکو شکونه پیدا شي او په راتلونکې کې یې ترمنځ د شریک کار مخه ډب شي.
