د ملي لوبغاړو تر مبارکیو وروسته حشمت الله شهيدي هم د کریکټ بورډ څخه دده د ټاکل کېدو له امله مننه وکړه.
وروسته له هغې چې حشمت الله شهيدي ته اصغر افغان ، محمدنبي او راشدخان د لوبډلمشرۍ مبارکي ورکړه نو حشمت باوري سو چې ټوله لوبډله یې ملاتړ کوي.
حشمت پر خپلي فیسیوک پاڼې په پښتو،دري او انګلیسي ژبو د کریکټ بورډ د پرېکړې هرکلی کړی او د اصغر افغان د خدمتونو قدرداني يې کړې،موږ یې یوازې پښتو متن خپروو.
حشمت الله شاهدي ليکي:
((قدرمنو هېواد والو سلامونه او نيکى هيله مي ومنى، غواړم د افغانستان د کرکت د اداره څخه د زړه له تله مننه وکړم چه دومره لوى مسوليت يي زما په اوږو را کيښود او زه يى د افغانستان د کرکت ملى لوبډلى کپتان وټاکلم . او د ګران هيواد د هيلو او خو ښييو بيړى. (کرکت) کپتانى يي ماته وسپارله، انشاالله چه په پوره ايماندارى،اخلاص او مسوليت سره به د دى کشتى د ساتلو، مقصد, او ساحل ته د رسيدلو پوره پوره هسى وکړم.
همدارنګه د فرصت څخه په ګټى اخيستنې سره د مخکنى کپتان اصغر افغان څخه هم منندويي وکړم چه تيرو څو کلونو کى يى د ملى لوبډلى ښه مشرى وکړه.
=======================
تل د وى افغانستان 🇦🇫♥️🇦🇫
زنده آبا افغانستان 🇦🇫♥️🇦🇫)).
