د متحده ایالاتو د ولسمشرۍ په ټاکنو کې د رایو شمیرل روان دي، خو مخکې له دې چې پایلې اعلان شي، د ولسمشرۍ دواړو کاندیدانو په خپلو اړوندو بریاو دعوی لري.
تر دې دمه، د دیموکراټانو کاندید “جو بایډن” د متحده ایالاتو د ولسمشرۍ په ټاکنو کې د جمهوري غوښتونکي کاندید “ډونالډ ټرمپ” مخکې دی، چې شاوخواد د ۱۶ ایالتونو د رایو نتایج لا پاتې دي.
ولسمشر “ډونالډ ټرمپ” په ټولنیزه رسنۍ ټویټر کې په یوه ټویټ کې ویلي:
“موږ په ټول هېواد کې په خورا ښه دریځ (پوزېشن) کې قرار لرو، مننه.“
ډونلډ ټرمپ خپل سيال “جو بایډن” په ټاکنو کې په درغلیو تورن کړی، او ویلي یې دي، چې دوی (بایډن) د غلا/ درغلیو هڅه کوي، خو موږ به د دې اجازه ورنه کړو.
په یو بل ټویټ کې، د متحده ایالاتو ولسمشر ډونالډ ټرمپ ویلي، چې هغه به نن شپه لویه بریا اعلان کړي.
ـ بل لوری، دیموکراټ کاندید جو بایډن هم د خپلې میرمنې سره د امریکا خلکو ته وینا وکړه.
بایډن ویلي:
“موږ د بریا په لور روان یو، تاسې باوري اوسئ، چې په ټاکنو کې بریا موږ ده.“
نوموړي دا هم ویلي، چې هغه د ټول هېواد له خلکو مننه کوي، چې د دیموکراټانو لپاره یې کمپاین کړی او زحمتونه یې باسلي.
