افغانستان کې د پولیو واکسین د وېش په لاره کې هېڅ راز ستونزې نشته دي.
د افغانستان د عامې روغتیا وزارت چارواکي وایي سره له دې چې د نظام له بدلېدو سره په بېلو برخو کې ستونزې رامنځ ته شوې، خو ددې زمینه برابره شوې چې په ټول افغانستان کې د پولیو واکسینو د وېش زمینه برابره کړل شي.
عامې روغتیا وزارت دغه راز وایي چې دمګړی د دوی د واکسیناتورۍ ټیمونه په ټول افغانستان کې فعال دي او د پولیو واکسینو د وېش کمپاین به روان وي.
سرچینې له عامو افغانانو غوښتي چې د کمپاین د بشپړېدو په برخه کې ورسره همکاري وکړي.
پولیو یا ګوزڼ هغه ویروس دی چې په ټوله نړۍ کې له منځه تللی، خو په افغانستان او د پاکستان په ځینو برخو کې لا هم موجود دی.
د یادونې ده چې په تیر نظام کې طالبانو د خپل واک لاندې سیمو کې د پولیو واکسینو مخه نېوله او ډېری واکسیناتوران او واکسیناتورانې د پولیو واکسینو د کمپاین پر مهال ووژل شوې.
