تاسو هغه څوک نه یاست چې خلک یې ستاسو په اړه وایي

ژباړه: مریم شریفي
کیسه کوي چې د راشل په نوم یوې ښځې د دویم زېږون پر مهال خپل ژوند له لاسه ورکړ. ولادت یې ډېر سخت و نو له همدې یې ډېر سخت درد تېر کړ او مړه شوه. مخکې له دې چې مړه شي زوی یې وزېږد او د (بن اوني- Ben- one) نوم یې پرېکېښود. چې مانا یې (غوسې) ده. مور یې د خپلې تجربې پر اساس پر هغه بندې د منفي افکارو پېټی کېښود او ټاپه یې پرې ووهله. چا چې زیان او زحمت لیدلی وی نورو ته هم زیان او زحمت رسوي. اوس نو دغه کوچنی ماشوم د غوسې د نامه پېټی له ځان سره یوسي؟
ډېر کله خلک ددې له کبله چې خپله یې زحمت لیدلی وي، پر تاسو باندې منفي لېبلونه لګوي. هغه کسان چې ځورېدلي دي ډېر ژر قضاوت کوي او پر خلکو منفي افکار تحمیلوي. راشل مړه شوه او زوی یې یې پلار ته وسپاره او وویل، واخله دا دی بن اوني یا غوسې. پلار یې وویل دا ښه نوم نه دی. هغه وویل هغه څه چې لږ مخکې پېښ شول ددې لامل نه شي کېدای چې پر ده دې داسې نوم کېښودل شي. زما د زوی نوم به غوسې نه وي، بلکې نوم به یې بنیامین وي. بنیامین لوی شو او پر یوه لوی رهبر بدل شو، چې نسلونو یې پر له پسې پادشاهۍ وکړې. خدای پاک د بنیامین لپاره ښه راتلونکې په پام کې نیولې وه. که ده له ځان سره د منفي افکارو پېټی لېږدولی وی دې حد ته نه شوای رسېدلی.
کېدای شي یو چا هڅه کړې وي چې پر تاسو باندې دې د معمولي، غبي، بې استعداده او له تېروتنو ډک منفي ټاپې او لېبلونه لګولي وي. له دې وروسته په یوه نوي نوم ژوند پیل کړئ. با ارزښته، په خپل مثل کې بې ساري، قوي، قهرمان او تاریخ جوړونکی. دا هغه ټاپې او لېبلونه دي چې باید پر ځان یې ولګوو.
زه په دې پوهېږم چې کېدای شي خلک مو په بېلا بېلو نومونو یاد کړي. خو تاسو هغه څوک نه یاست چې خلک وایي. تاسو هغه څوک یاست چې ځان هغوی ته په نه ځواب ویلو کې ثابتوی. هغوی کولی تاسو ته غبي، ځان غوښتونکی، ډېر زوړ او یا هم بې سویې نمونه کاروي. هېڅ خبره نه ده تاسو ددې لپاره چې هغوی ته مو یو ډول غاښ ماتوونکي ځواب ورکړی وي په بدل کې یې و وایی، زه ډېرې لوړې وړتیا درلودونکی یم، ښه وجود لرم، ډېر ځوان یم او زه به تاریخ جوړونکی وم. که دغه کار وکړئ په ډاډ سره ویلی شم چې همد نن ورځ به مو د بریا پر لور لومړنی ګام اخیستی وي. له دې وروسته به پر تاسو باندې هېڅ منفي نوم اغېز ونه کړي. کله چې ښه فکر کوي، هغه ده چې ښه ژوند به کوی. تاسو به ټول خنډونه له منځه یوسی، دښمنانو ته به ماتې ورکړی او په هغه چا به بدل شی چې خدای پاک ورته پیدا کړي یاست.