د روغتیا نړیوال سازمان وايي، چې په شتمنو هېوادونو کې د ماشومانو د کورونا پر وړاندې د واکسین کولو دمخه باید د نړۍ په کچه په بیوزلو هېوادونو کې واکسین پیل شي.
یاد سازمان وايي، پرمختللي هېوادونه باید د “کوویکس” په برنامه کې د کورونا واکسینونه ډالۍ کړي.
د نړیوال روغتیایي سازمان مشر، “ټیډروس اډانوم” وایې؛ شتمن هېوادونه اوس ماشومانو او تنکیو ځوانانو ته واکسین کوي ، پداسې حال کې چې بېوزله هېوادونه په سختۍ سره نشي کولی د طبي پرسونل او زیان لیدونکیو لپاره د کورونا واکسین پیل کړي.
هغه وویل، چې ځوانو او سالمو خلکو ته د واکسین کولو پرځای، شتمن هېوادونه باید د کوویکس ګلوبل واکسین شریکولو کې مرسته وکړي، ترڅو په ټولو هېوادونو کې له اړمنو خلکو ساتنه وکړي.
