که څوک وغواړي کولی شي، ستاسو د وټسپ شمېره يا اکاونټ په اسانۍ وتړي.
د مشهور پیغام رسونکي اپليکشن WhatsApp په اړه وروستي معلومات دا دي؛ هر څوک چې ستاسو د وټسپ نمبر ولري، کولی شي چې ستاسو حساب په بشپړ ډول وتړي.
هیکرانو وټسپ کې د دې نوې نېمګړتیا څخه د ګټې پورته کولو لپاره دوه مختلف ویکتورونه کاروي. په نوي مبايل يا تیليت کې د واټس اپ اپلکشن نصبولو وروسته، هیکر ستاسو شمېره ورکوي او د چټ خدمت فعالولو لپاره غوښتنه درڅخه کوي.
خو وټسپ د خپلو کاروونکو د شخصي معلوماتو د خوندي ساتلو په موخه دې اپلکشن د فعالولو لپاره د دوه فاکتورو تصدیق کولو میتود چمتو کړی دی.
لمړى فاکتور يا شرط يې د شپږو عددو کوډ دی، چې د SMS د لارې تاسو ته لېږل کېږي.
او هيکر هېڅ کله دغه شپږ عددونو ته لاس رسي نشي مندلى.
دویم، د ډېرو ناکامو هڅو وروسته، د کاروونکي اکاونټ به د راتلونکو ١٢ ساعتونو لپاره بند شي.
وروسته له دې، چې د کارونکي اکاونټ وتړل شي، هیکر کولی شي، د خپل بریښنالیک له طریقه د وټسپ ادارې ته خبر ورکړي او ادعا وکړي، چې نوموړی شمېره د ده خپله ده. یا هم ښایي ووايي، چې زما مبايل ورک شوی یا غلا شوی دی، نو کونټ د تل لپاره غیرې فعالوي. دا چې وټسپ به ددې ستونزې مخنیوي لپاره څه کوي، تر اوسه یې څه نه دي ویلي.
