راپور: نسیمه محمدي
اګنس کالامارد د ملګرو ملتونو سازمان ځانګړې خبریالې، د خپل راپور په اړه، چې د قاسم سلیماني د ترور په اړه خپور کړی وو، د امریکایي چارواکو د څرګندونو ته ځواب ورکړ او د واشنګتن دریځ یې رد کړ.
هغې دا غبرګون هغه وخت چې د امریکا له لورې د ایراني قاسم سلیماني د وژنې په اړه یې یوه تحقیقي راپور خپور کړ او دا کار یې غیرې قانوني بللی و.
د ملګرو ملتونو ځانګړې خبریالې په دې اړه په خپل ټوېټر ولیکل:
” نړیوال قوانین او حقوق، د امریکا حقوق او قوانین نه دي. زما د راپور اساس د پرله پسې او نه کنټرول شويو نظامي حملو، په قاسم سلیماني د حملې د ارزونې او د نړیوالو قوانینو په اړه او د لا زیاتو کړکېچونو د مخنیوي لپاره د اړینو اقداماتو او تدابيرو غوښتونکی دی.”
دې خبریالې د خپل وروستي راپور څخه د دفاع ترڅنګ د قاسم سلیمان د ترور په اړه وویل چې نړیوال حقوق او قوانین، د امریکا قوانین او حقوق نه دي.
وړاندې له دې په ملګرو ملتونو کې د ایران دایمي استازي او سفیر، د قاسم سلیماني ترور د نړیوالو حقونو ښکاره نقض، وباله.
اګنس کالامارد د ملګرو ملتونو ځانګړې خبریالې د پنجشنبې په ورځ، د بشري حقونو عالي کمیسارۍ ته، د ایران د سپاه پاسداران د قدس ځواکونو پخواني مشر قاسم سلیماني، ناقانونیت او خپلسرو ترورونو په نوم، خپل راپور د بشري حقونو شورا ته وړاندې کړ.
“International law is international. It is not American.” Int’l Law is the basis for my warnings on the exponential, unregulated use of armed drones, my assessment of the General Soleimani drone strike, my calls for actions to prevent further crises. https://t.co/wOLgT3TjEB
— Agnes Callamard (@AgnesCallamard) July 11, 2020
نوموړې د خپل راپور په یوه برخه وايي:
” یو لوړپوړی ایرانی دولتي چارواکی هدف شو؛ د هغه هېواد چارواکی، چې د حاکمیت څخه برخمن دی.”
باید یادونه وکړو، چې اګنس د راپور خپرېدل د امریکایي چارواکو له توند غبرګونو سره مخ شوی دی.
د امریکا د بهرنیو چارو وزير مایک پمپیو پر ټویټر توند غبرګون ښودلی او ددې خبریالې راپور یې غندلی دی، چې ترې وروسته د ملګرو ملتونو خبریالې ورته یاد غبرګون وښود او ویې ویل چې د امریکا قانون، څه نړیوال قانون نه دی.