لیکنه: محمدصابر حمیدي
د افغانستان د کرکټ ملې لوبډلې او په آی پي ایل سیالیو کې د سنرایزر حیدراباد لوبډلې نامتو او تکړه لوبغاړي راشدخان ارمان ویلې، چې د آی پي ایل سیالیو هره لوبه یو له بلې سره توپیر لري، نو توپاچونکې هم باید د هرې لوبې مطابق توپاچونه ترسره کړي.
راشدخان تر پرونۍ بریا وروسته خبري کنفرانس کې وویل، زموږ ډېر تکیه پر توپاچونکو ده او باید راتلونکې کې هم پر توپاچونکو زیاته تکیه وکړو.
د راشد خبري کنفرانس
"Bowling dot balls are key to my success"
Watch #SRH’s ace bowler #RashidKhan speak about his exceptional spell against #DelhiCapitals and the spectacular opening partnership between #DavidWarner and #WriddhimanSaha#SRHvDC #IPL2020 pic.twitter.com/1asNigut8O
— Cricbuzz (@cricbuzz) October 27, 2020
راشدخان پرون په ۴ اوورونو کې يوازې ۷ منډې ورکړې، ۳ ويکټې يې واخيستې او ۱۷ توپونه يې ډاټ ترسره کړه.
راشدخان ارمان
د نړۍ نامتو توپاچونکی راشدخان ارمان اوس د روان آی پي ایل سیالیو په جدول کې درېیم زیاتې ویکټ اخیستونکی لوبغاړی دی.
هغه په ۱۲ لوبو کې په غوره توپاچونې سره ۱۷ ویکټې اخیستې دي.
د راشد لوبډله
د آی پي ایل په روانو سیالیو کې د راشد لوبډله «حیدراباد» د جدول په شپږم ځای کې ده.
حیدراباد لوبډلې په ترسره کړو ۱۲ لوبو کې یوازې پنځه ګټلې، خو پاته ۷ لوبې یې بیا بایللې دي.
د جدول په لومړي ځای کې ممبي، دویم ځای کې بنګلور، درېیم ځای کې ډهلي، څلورم ځای کې پنجاب، پنځم کې کلکته، شپږم ځای کې حیدراباد، اووم ځای کې راجستان او اتم ځای کې بیا چینای لوبډله شتون لري.