د افغانستان د کرکټ ملې لوبډلې تکړه او نامتو لوبغاړي راشدخان ارمان پرون پنجشنبه د پاکستان په سوپرلیګ کې د پېښور زلمي لوبډلې پنځه لوبغاړي وسوځول، چې له هغه وروسته پر ټولنیزو رسنیو خورا زیات وستایل شو.
د PSL لیګ په پرونۍ لوبه کې راشدخان
پرون لاهور قلندرز لوبډله د پېښور زلمي لوبډلې سره میدان ته کښته شوه، چې لاهور قلندرز لوبډلې د راشدخان ارمان د بیاځلېدو په مټ بیا بریا خپله کړه.
په پرونۍ لوبه کې راشدخان ارمان څلورو اورونو کې ۲۰ منډې ورکړې او ۵ لوبغاړي یې وسوځول او ددې ترڅنګ یې بیا په توپوهنه کې په ۷ توپونو ۸ منډې وکړې.
په پرونۍ لوبه کې هم راشدخان ارمان د لومړنۍ لوبې په څېر د لوبې غوره لوبغاړی وټاکل شو.
5️⃣ 🌟@rashidkhan_19 posted his career best figures in franchise cricket on a magical night of bowling. #HBLPSL6 | #MatchDikhao | #PZvLQ pic.twitter.com/rdkNi40jyB
— PakistanSuperLeague (@thePSLt20) June 10, 2021
د جاوید افریدي ستاینه
په پرونۍ لوبه کې تر ځلېدو وروسته د پېښور زلمي لوبډلې مالک جاوید افریدي پر خپلې رسمې ټویټرپاڼې د راشدخان ستاینه کړې او ویلې یې دي، چې راشدخان په رښتیا هم یو غوره او زبردست لوبغاړی دی.
Rashid @rashidkhan_19 you real beauty !
— Javed Afridi (@JAfridi10) June 10, 2021
د جاوید افریدي څخه د مینوالو غوښتنه
پر یاد ټویټ خلګو د جاوید افریدي څخه ګیله کړې او ویلې، یې دي، چې باید په پېښور زلمي لوبډله کې یې اخیستی وای او ددې ترڅنګ یې د جاوید افریدي څخه غوښتي، چې د پاکستان سوپرلیګ په راتلونکې پړاو کې راشدخان ارمان خاماخا لوبډلې ته واخلي.
د عبدالرادا شینواري په نوم یوه مینوال کمنټ ورته کړی: راشدخان ارمان باید په پېښور زلمي لوبډله کې وای.
سیدآمر موسی ورته کمنټ کې لیکلي: راشدخان باید راتلونکي پړاو کې خاماخ واخلې.