خبر: بشر درویش
دوه ورځې وړاندې په ننګرهار کې د وطنیو تولیداتو دوه ورځینی نندارتون ترسره شو.
په دې نندارتون کې د وطنیو تولیداتو ۳۵ تړونونه او د میلیونونو افغانیو پېر او پلور ترسره شو.
په یاد نندارتون کې د ننګرهار سبزیجات، وچې مېوې ، شات، زراعتي او تیلي نباتات، زراعتي وسایل او ادویه جات، تصدیقي نیالګي، نجارۍ برخې تولیدات، لبنیات، وطني خواړه او نور ګڼ شمېر توکې نندارې ته اېښودل شوي وو.
پر همدې ورځ د نندارتون ترڅنګ د ننګرهار خالص وطني او سیزن وطني شاتو پروسس شرکتونو لپاره د شاتو د کیفیت معلومولو لپاره لابراتوار هم پرانیستل شو.
په دې مراسمو کې د افغانستان د کرنې وزیر انورالحق احدي او نورو چارواکو ګډون کړی و.
د ننګرهار ولایت د شاتو مچیو روزونکو ټولنې رییس ریاض محمد رودوال وایي په دې سره به د شاتو تولیدونکي، مچۍ روزنکي او پلورنکي د بی کفیت شاتو له تولید او پلورلو مخنیوی وشي.
هغه وايي، دا لابراتوار د یوسایډي په مالي همکاري جوړ شوی او هڅه کوي چې په دې برخه کې خپلې هڅې نورې هم پراخه کړي.