لیکنه: محمدصابر حمیدي
د اسټرالیا د ښځینه وو کرکټ ملې لوبډلې نامتو او تکړه الراونډره لوبغاړې ایلیس پیري د کرکټ نړیوالې شورا له لوري د یوې لسیزې تر ټولو غوره لوبغاړې او د دې ترڅنګ د کرکټ په دوو فارمټونو شل اوریزه او یو ورځنیو لوبو کې د یوې لسیزې تر ټولو غوره لوبغاړې راغله.
د کرکټ نړیوالې شورا پرون دوشنبه د کرکټ په درې واړه فارمټونو کې د تیري لسیزې«۲۰۱۱ـ۲۰۲۰» غوره لوبغاړي اعلان کړل.
د شل اوریزه لوبو غوره لوبغاړی راشدخان ارمان، د یو ورځنیو لوبو غوره لوبغاړی ویراټ کوهلي، د ټیسټ لوبو غوره لوبغاړی سټیو سمیت او د یوې لسیزې غوره نارینه لوبغاړی بیا ویراټ کوهلي وټاکل شو.
د دې ترڅنګ دې شورا له ټیسټ فارمټه پرته ښځینه لوبغاړو ته هم دا جایزې او نوم ټاکلی وو، چې درې واړه ایوارډونه اسټرالوۍ لوبغاړې ایلیس پیري ترلاسه کړل.
هغه د شل اوریزه لوبو د یوې لسیزې غوره ښځینه لوبغاړې.
د یو ورځنیو لوبو د یوې لسیزې غوره ښځینه لوبغاړې.
او د یوې لسیزې تر ټولو غوره ښځینه لوبغاړې وټاکل شوه.
د کرکټ نړیواله شورا وايي، چې ایلیس پیري په نړیوال کرکټ کې ۴۳۴۹ منډې جوړې کړې او د دې ترڅنګ یې ۲۱۳ ویکټې اخیستې دي.