پخواني ولسمشر په کابل کې د پرون مازدیګر په بوږنووونکې چاودنه توند غبرګون ښودلی دی.
نوموړي په یوه خپره کړې اعلامیه کې ویلي چې دا یو بشر ضد او غیر انساني عمل دی، چې میندې د خپلو ماشومانو پر وړاندې په یوه وحشیانه پېښه کې ټپي کېږي.
نوموړي په هېواد کې پر ډېرېدونکي تاوتریخوالي هم جدي اندېښنه ښودلې ده او په خبره یې دمګړی په هېواد کې د پردیو د ګټو جګړه روانه ده چې له امله یې هره ورځ زموږ میندې، ځوانان او ماشومان قرباني کېږي.
په ورته وخت کې د ملي امنیت سلاکار حمدالله محب تېر ماښام په کابل کې د برکي څلورلارې په تروریستي پېښو کې د ټپیانو د لیدلو لپاره وزیر اکبر خان او صحت طفل روغتون ته ورغی.
له ملي امنیت څخه په خپره شوې خبرپاڼه کې راغلي، د سولې او ثبات دښمنان د پردیو استخباراتو په لمسون د ټولنې ټول قشرونه هغه که ملکيان دي او که دولتي کارمندان او امنیتي سرتېري، په نښه کوي او تروریستي فعالیتونه کوي.
محب زیاته کړه، د افغانانو دښمنان باید وپوهېږي چې په دغو غیر اسلامي او ناانساني بریدونو خپلو شومو موخو ته نه شي رسېدای، ځکه امنیتي ځواکونه د خلکو په دفاع کې د خپلو وینو له تویېدو درېغ نه کوي.
د کابل ښار په برکي څلور لارې کې پرون مازیګر د پولیسو پر یوه رنجر ډوله موټر چاودنه وشوه چې له امله یې ښځې او ماشومان ټپیان شول.
ددې پېښې انځورونو او ویډیوګانو په ټولنیزو رسنیو کې توند غبرګونونه پارولي دي او هغه یې یو غیر انساني او وحشتناک عمل بللی دی.
ځوانه ژورنالیسته انیسه شهید لیکي:
خانه ات ویران شود ظالم…
گناه این مادر و کودکانش چی بود؟
در این لحظه با کودکانش چه قصه می کرد؟
چه آرزو هایی برای کودکانش داشت؟
خداوند به این کودکان رحم کند که این صحنه را فراموش کنند، خداوند کمک کن که درد را تحمل کنند…
خداوندا رحم کن! pic.twitter.com/ZCsga3LAHP— Anisa.Shaheed (@AnisaShaheed1) February 21, 2021
د دغه پیښې په غبرګون کې ځوان لیکوال او ژورنالیست سهار ناصري لیکلي:
— Sahar Nasari (@nasari_sahar) February 21, 2021
د مسلم شیرزاد په نوم یو کس د پرونۍ چاودنې ویډیو خپره کړې او په حکومت یې هم نیوکې کړې دي.
کسانی که «قلبنازک» دارند ویدیو را نبینند
اشرف غنی؛ تاریخ در موردت سخت قضاوت خواهد کرد. یکبار از ارگ بیرون شده و ببین که در کابل چه میگذرد. مادر نیمجان در کنار جاده برهکی افتاده و کودکانش فریاد میکشند. یکبار خودت وضعیت پایتخت را ببین و از حلقه «چهار کلاه ها» بیرون شو. pic.twitter.com/Yb3ez9DOVu
— Muslim Shirzad (@MuslimShirzad) February 21, 2021
له دغې پیښې وروسته د روغتون ډاکترانو وویل چې د ټپي مېرمنې او د دوه لورګانو چې عایشه او ملکه نومېږي، روغتیایي وضعیت یې د ډاډ وړ دی.
تر اوسه ددغه پېښې مسوولیت هېڅ ډلې نه دی منلی.
