د هند آی پي ایل سیالیو لپاره د لوبغاړو رانیولو نېټه معلومه شوه

جنوري 28, 2021 محمد صابر حمیدي ، کندهار کرکټ, لوبې, وزش او تمرین څرگندونې بندې دي
یو بیلبورډ چې پرې لیکل شوی اعلان نه لوستل کیږي. عکس له لاندې اخیستل شوی او شا او خوا یې وریځې او اسمان ښکاري
لیکنه: محمدصابر حمیدي

د نړۍ تر ټولو د مشهوره کرکټ لیګ لپاره د لوبغاړو رانیوالو نېټه هندوستان اعلان کړه.
د IPL لیګ پر رسمې ټویټرپاڼې خبر ورکړل شو، چې د آی پي ایل سیالیو ۱۴م پړاو لپاره د لوبغاړو رانیولو مراسم یا بولي د راتلونکې فیبرورۍ میاشتې په ۱۸مه نېټه ترسره کیږي.
د یاد خبر له مخې دا مراسم د هند په چینای ښار کې ترسره کیږي.


سږ کال اټکل کېده، چې په دې لیګ کې به د اتو لوبډلو په ځای لس لوبډلې ولوبیږي او سیالۍ به هم د نورو کلونو خلاف خورا په جلا او ښکلې توګه ترسره شي، خو هند کرکټ بورډ د نامعلومو دلیلونو له امله له یادو پریکړو بیرته په شا شوی.
د اٌصولو سره سم ددې لیګ کډونوالو لوبډلو څو ورځې وړاندې د هغو لوبغاړو لیست خپور کړ، چې له ځان سره یې ساتي او یا بولي ته وړاندې کیږي.
دوه افغان لوبغاړي محمدنبي او راشدخان خپلې لوبډلې د تېرکال په څېر خپلې لوبډلې له ځان سره وساتل او پرېنښودل، چې بولي ته وړاندې شي.
خو بل افغان لوبغاړی مجیب ځدران بیا خپلې لوبډلې کینګز الیون پنجاب د تېر کال خلاف له ځان سره ونه ساته او د هغو لوبغاړو په لیست کې یې راوستلی، چې بولي ته وړاندې کیږي.
دا چې د مجیب الرحمن ترڅنګ به د آی پي ایل سالیو بولي ته څومره افغان لوبغاړي واچول شي، تراوسه یې راپورونه نه دي ورکړل شوي.
که څه هم هند کرکټ بورډ ددې لیګ پیل وخت نه دی ښودلی، خو د اټکل له مخې به په راتلونکې مارچ میاشت کې پیل شي.