راپور: نسيمه محمدي
مېرمنې ته د اسامه بن لادن ليکونه، د ده په اړه د ژوند په وروستيو کې جالب رازونه لري.
د هندوستان ټايمز ورځپاڼې په حواله، اسامه بن لادن د امريکايي ځواکونو له لوري تر وژل کېدلو وړاندې، قصد درلود په ايبټ آباد کې د خپل امن کور څخه وکوچېږي. نوموړي په يوه ليک کې خپلې مېرمنې ته ليکلي، چې په انزوا/ ګوښهتوب کې له ژوند کولو ستړى شوى او شايد د تللو وخت رارسېدلى وي. په ليک کې دوو پاکستانې وګړو ته په اشارې چې هغوى ته يې اجازه ورکړې وه، او له بهر نړۍ سره د اسامه د اړيکې لارې وې، راغلي دي:
“زه فکر کوم چې هغوى پرېږدم، خو د بل استوګنځاى برابرول چې تاسې، حمزه او مېرمن يې وکولاى شي، له موږ سره يو ځاى شي، څو مياشتې وخت نيسي. زه له تاسې بښنه غواړم، هيله لرم شرايط درک کړٸ او دعا کوٸ چې خداى ج بيا ليدل اسان کړي، ان شاءالله.”
له شپږو مياشتو په لږ وخت کې د ليک ليکو وړاندې د ٢٠١١م په مۍ مياشت کې، امريکايي ځواکونه ايبټ اباد ته لاړل، اسامه بن لادن او دوه پاکستاني کوربانه يې ووژل.
اسامه په دغو ليکونو کې ويلي چې غواړي له کورنۍ سره يوځاى شي، خو دا وړانديز يې د ابو احمد الکويټي او ورور له خوا يې چې د ده د ساتنې مسووليت يې په غاړه درلود، رد شوى دى.