لیکواله: مهرتاج
“جیم متیس” د ټرمپ د اداري لمړی د دفاع وزیر؛ په کانګرس نننۍ د خلکو برید په کلکو ټکو غندلی، دا کړنه یې د “ډونالډ ټرمپ” کار وبللو او ټرمپ یې پدې تورن کړ، چې دا کړنه د ده په امر او قومنده ترسره شوې ده.
“متیس” امریکایې ورځپاڼې “پولیتکو” ته وویل؛ چې دونالد ټرمپ د خلکو نه ناوړه ګټه پورته کړله، د خلکو اعتماد یې په جمهوریت زیانمن کړ، او د نورو خوښې/انتخاب ته یې درناوي ووژلو.
ده زیاده کړله، چې نننی برید په ګانګرس باندې د دموکراسۍ ښودل په یوه اوباشه او غلط ډول وو، چې دا به دموکراسي ته لوی زیان ورسوي.
متیس وویل کومو سیاستوالو، چې ټرمپ سره په دې لار کې مرسته کړي ده؛ نه هیردونکي دي، چې د دوی نومونه به د ډارنو سیاستوالو په توګه تل تر تله په تاریخ کې ثبت شي.
متیس وايې؛ امریکا به دا د بدنامۍ تور داغ پاک کړي، خو ټرمپ به د امریکا نه یو شړل شوی او بېوطنه کس شي.