لیکنه: محمدصابر حمیدي
د افغانستان د کرکټ ملې لوبډلې نامتو او تکړه افغان لوبغاړي پرون یکشنبه د اسټرالیا په بیګ باش لیګ کې د خپلې ښې توپاچونې له امله درې ویکټې واخیستې او ښه وځلېد.
راشدخان ارمان د خپلې لوبډلې ایډلیډ سټرایکرز لپاره په پرونۍ لوبه کې څلور اورونه ترسره کړل، ۱۸ منډې یې ورکړې او درې ویکټې یې واخیستې.
د اسټرالیا د بیګ باش لیګ په ۲۶مه لوبه کې پرون د راشدخان لوبډلې ایډلیډ سټرایکرز په اوو ویکټو د سیډني سیکسرز لوبډلې څخه ماته وخوړه.
راشدخان ارمان د پرونۍ لوبې ترڅنګ د دې لیګ په مخکنیو لوبو کې هم د خپلې لوبډلې لپاره ښې لوبې کړي او ورته مهمې ویکټې یې اخیستې دي.
ښاغلی ارمان اوس په بیګ باش لیګ کې د زیاتو ویکټ اخیستونکو لوبغاړو په سر کې دی.
هغه په اوو لوبو کې ۱۱ ویکټې اخیستې دي.