د بریا ځینې نالوستل‌شوي رازونه

ژباړه او راټولونه: صدیقه پوپلزۍ

ـ تر څو چې له سختیو څخه تېر نشئ، هېڅکله اسانیو ته نه رسېږئ. (کولین مک کارتي)
ـ که غواړئ ښه کار وکړئ او بریالي شئ، نو ښه ارام هم وکړئ، ځکه که ارام ونه کړئ، نو کار په سمه توګه نشئ ترسره کولی.
ـ تل هڅه وکړئ چې مثبت فکر ولرئ او پر خدای باور ولرئ، ځکه په هر ځای کې حاضر وي. له ماتې او تېروتنې څخه مه ډارېږئ. د نورو له قضاوت څخه هم مه وېرېږئ، خپل ځان له نورو سره مه پرتله کوئ.
ـ لنډ مهاله، منځني او اوږدمهاله موخې ځان ته وټاکئ.
ـ له بدلون څخه مه ډارېږئ.
ـ هېڅکله ارزښت لرونکې شیان اسانه نه ترلاسه کېږي، د هغه لپاره باید ډېره هڅه وکړو، چې ترلاسه یې کړو. (هامیلتون هولت)
ـ کله چې ماتې خورئ، نو پوه شئ چې خپرونه مو مکمله نه وه، حتماً کومه نیمګړتیا پکې وه، نو د دې لپاره له سره ځانته پلان جوړ کړئ او بېرته د خپلې موخې پر لور حرکت وکړئ. (ناپلئون هیل)
ـ هېڅکله د تېر مهال په هکله فکر مه کوئ، کومه تېروتنه چې مو ترسره کړې، همالته یې هېره کړئ یوازې د راتلونکې په فکر اوسئ.
ـ لوړې هیلې لرل، هر ناشونی کار شونی کوي. (بنجامین فرانکلین)
ـ تل زړور اوسئ، ځینې وخت زړورتوب ښایي تاسې ته ستونزمن شي، خو که لږ هم تاسې زوړور شئ، له ستونزو څخه مو خلاصوي. (رابرت ګرین)
ـ هغه څه چې موږ بریا ته رسوي، هغه زموږ وړتیا، ذاتي ځواک او زموږ خپل فکر دی، ځکه زموږ فکر زموږ د بریا معیار دی. (دنیس ویتلي)
ـ که په لومړي سر کې بریالي نشوئ، نو له هڅې څخه لاس مه اخلئ، دوام ورکړئ، خپلو موخو ته ورسېږئ. (ویلیام ویکسون)
ـ زموږ خپلې پرېکړې دي چې زموږ سرنوشت بدلوي. (انتوني رابینز)
ـ په یاد ولرئ د بریا لپاره تر ټولو اړین زموږ پرېکړې او اراده دي. (ابراهام لینکلن)
ـ تر بریا ماته موږ ته ډېر څه رازده کوي، هغه څوک چې هېڅکله تېروتنې نه کوي، هېڅکله یو ځای ته نه رسېږي. (راکفلر)
ـ په ژوند کې هر څومره ډېرې تجربې ترلاسه کړو، هماغومره مو فهم ډېریږي.