ژباړه او راټولؤنه: مهر تاج
لکه څرنګه چې د انارو موسم دی، مارکیټونه په دې زړهراښکونکې مېوې سینګار شوي دي، د سوپر مارکیټ بکسونه د انارو له جوسو څخه ډک دي، د کاسمیټکس (کرېمونو) شرکتونه د دې کریمونو له ګټو په هڅو بوخت دي. انار د جنت مېوه ده.
هو، انار د قران کریم په شمول په نورو آسماني کتابونو کې ذکر شوي، دا د ۶۱۳ تخمونو لرونکي مېوې په نامه هم یادیږي، په ذایقه کې خوږه، تروشه او د نورو ګڼو روغتیایي ګټو لرونکي خورا مشهوره مېوه ده.
انار د تغذیې او روغتیایي ځانګړنو له جملې د طبیعت یوه ارزښتمنه ډالۍ ګڼل کېږي.
ـ په انار کې ویټامین سي د لمر وړانګو ناوړه اغېزې کموي، په پوټکي د مضرو اثراتو مخه نیسي.
په انار کې موندل شوي peonic اسید د ویښتو ریښې قوي کوي.
ـ سل۱۰۰ ګرامه انار ۸۳ کالوري (کیلوریز) لري، چې تاسو سره د ورځې په اوږدو کې په ویښ، هوښیار او انرژي لرلو کې مرسته کوي.
ـ انار هېڅ غوړ نه لري، نو له همدې امله دا د ورزشکارانو لپاره د غوره خواړو په توګه کارول کېږي.
ـ انار همدارنګه د فشار کمولو لپاره غوره ټانک دی.
ـ د حمل په موده کې د انارو منظم استعمال د «انیمیا» او عضلاتو سختوالي څخه ساتنه کوي.
ـ د انارو ټیټ کولیسټرول او د وینې فشار کې فیټوکیمیکلونه د انارو جوس د حافظې په وده کې هم مرسته کوي.
ـ انار زړه قوي کوي او په بدن کې پاکه وینه تولیدوي. انار د ځيګر، ګرمۍ، ټوخي، د سینې درد، د بې اشتهایئ، ټایفایډ لپاره ګټور دي.
ـ که د انارو جوس کې شات ګډ شي د زړښت مخ نیوی کوي. انار د کمزورې معدي لپاره هم ګټوره مېوه ده.
ـ انار د سږو څخه د بلغم لرې کولو کې مرسته کوي. دا د ویټامین سي، فاسفورس، سوډیم، کیلشیم، سلفر او وسپنه زیاتوي. د مختلفو ناروغیو وروسته ضعف کموي او په دې توګه غوره ټانک دی.
ـ انار د آیور ویدیک، ایلوپیتي او یوناني درملو کې د وینې کمښت، د وینې فشار، بواسیرو او هډوکو درد لپاره ګټور پیژندل شوي.
ـ د انار ميوې تر دې حده زړه او ذهن ته خوند او تازګي ورکوي، چې د يوه نبوي حدیث په حواله، د دې کارول په انسان کې د نفرت او حسد مادې لرې کوي.
د انارو پوټکي هم ګټې لري
له همدې امله، انار یوه ګټوره مېوه ده، چې په درملو کې ډیری ګټې لري، ډېری خلک د انارو پوټکی لرې کوي، خو یو شمېر خلک یې پوټکي پاک مینځي، وچوي او بیا یې مېده کوي، پوډر (کپه) یې جوړوې، چې دغه وچ شوي پوډر بې شمیره طبي ګټې لري.