د سې شنبې په ورځ مسئولینو د کندهار د عینومیني په وطن لوبځای کي د ۱۶ ښوونځيو د فوټسال لوبډلو ترمنځ د سیالیو پرانیستنه وکړه.
په دغه لوبو کي به د کندهار د پوهني ریاست اړوند د ۱۶ ښوونځیو ترمنځ هره ورځ دوې ـ دوې رقابتي لوبي ترسره کیږي.
د یادو سیالیو یو تنظیمونکی عصمت الله ریښتین وايي د دغو سیالیو څخه ئې عمده موخه د زده کوونکو د ژمنیو رخصتیو څخه په ګټي اخیستني زده کوونکي لوبو ته رابلل او د دوی ترمنځ همږغي جوړل دي.
په دغو سیالیو کي شامل زده کوونکي هم د پوهني ریاست له دې اقدام څخه خوښ دي او د ورته نورو لوبو غوښتنه کوي.
دوی وايي د پخوا په پرتله کندهار کي سپورټ پرمختګ کړی.
په کندهار کي په ۶ خصوصي جمنازیمونو کي هره ورځ لسګونه د فوټسال، والیبال، باسکیټبال او ګڼي نوري رزمي لوبي ترسره کیږي، چي ګڼ ځوانان ئې په سپورټ بوخت ساتلي.