ليکنه: صابرحميدي
د افغانستان د سوک وهني ځوانه ملي لوبډله په آسیاسي سیالیو کي د ګډون په موخه پرون دوشنبه متحده عربي آماراتو ته ولاړه.
مسئولین وايي، چي د ځوانانو ترمنځ د سوک وهني آسیایي سیالیۍ پرون د اکتوبر میاشتي په ۷مه نېټه پيل سوې او د یادي میاشتي تر ۱۸مي نېټې پوري دوام کوي.
دا لوبي د متحده عربي اماراتو په دوبۍ ښار کي پېلیږي.
د ځوانانو ترمنځ د سوک وهني په دې سیالیو کي د آسیا د ټولو هیوادونو څخه لوبغاړي ګډون کوي.
په دې سیالیو کي به درې افغان لوبغاړي په بېلابیلو وزنونو کي د سوک وهني لوبي ترسره کړي.
د یادو لوبغاړو سره په دې سفر کي دوو پلاوو هم ګډون کړی دئ.
یادو لوبغاړو تر سفر مخکي د افغانستان د ملي کمېټې د مشر ډاکټر حفیظ الله ولي رحیمي سره وکتله.
حفیظ الله ولي رحیمي یادو لوبغاړو ته په یاده لیدنه کي د بریالیتوب هیله وښوده.