د افغانستان ا.ا د ریاست الوزرا سیاسي مرستیال مولوي عبدالکبیر د هېواد د پوهنتونونو له یو شمېر استادانو سره په لیدنه کې ویلي چې ژر به ټول دولتي پوهنتونونه بېرته پرانیستل شي.
هغه ډاډ ورکړی دی چې د علمي کادرونو د فرار مخنیوي لپاره یې هم عملي اقدامات پیل کړي دي.
په ورته وخت کې د پوهنتونونو استادانو هم د علمي کادرونو د فرار پر مخنیوي د ټینګار تر څنګ زیاته کړې چې د دولتي پوهنتونونو پرانیستو، د استادانو معاشونو ورکولو، د استادانو کموالي پوره کولو او د کادرونو استخدام ته دې جدي پاملرنه وشي.
د یادونې ده چې د تېر نظام تر سقوط وروسته بهر ته د افغانانو د فرار په ترڅ کې ډېری علمي کادرونه هم له هېواده وتلي دي.
