د پرتګال د فوټبال ملي لوبډلي لوبډلمشر او د یوونټوس کلب تکړه بریدګر لوبغاړي کریسټیانو رونالډو تېره شپه د ۲۰۲۰م کال لومړۍ لوبه ترسره کړه او په یاده لوبه کي ئې درې ګولوهني ووهلې.
د ایټالیا هیواد په لومړۍ درجه لیګ (سیر اې) کي تېره شپه یوونټوس لوبډله د کالیاري فوټبال لوبډلي سره ولوبېده، چي یوونټوس لوبډله وتوانېده، چي کالیاري لوبډلي ته ۴ ګولونه پر ۰ سخته ماته ورکړي.
په یاده لوبه کي د نړۍ قوي فوټبالر کریسټیانو رونالډو د لوبي په ۴۹تمه، ۶۷مه او ۸۲یمه دقیقه کي درې ګولونه ولګول او د لوبي په ۸۱یمه دقیقه کي ئې بیا بل بریدګر لوبغاړي هیګواین ته د ګول پاس ورکړ او هغه په ګول تبدیل کړ.
رونالډو، چي تېره شپه ئې درې ګولوهني ترسره کړې او یو ځلي ئې بل لوبغاړي ته د ګول زمینه برابره کړه، ۲۰۲۰م کال طوفاني راپيل کړ او داسي څرګندیږي، چي په ۲۰۲۰م کال کي به د لوبډلي تر څنګ د ډیرو ځاني لاسته راونو لپاره ډېر پلانونه ولري.
رونالډو، چي تېر ۲۰۱۹م کال چندان ښه ونه لوبېد او د ډیرو مینوالو په زړونه کي ئې دا ویره ورواچوله، چي نور به دا لوبغاړی ښې لوبي نکړي ترسره.
خو رونالډو څو ورځي مخکي له رسنیو سره په خبرو کي وویل، چي د پخوا په ډول هرې لوبي ته چمتوالی نیسي.
د رونالډو بل سخت سیال میسي بیا تېر کال خورا ښه تېر کړ. هغه په تېر کال کي شپږم د سرو زرو توپ، شپږم د سرو زرو بوټ او د هغه ترڅنګ د یو شمېر بنسټونو له لوري د کال تر ټولو غوره فوټبالر اعلان سو.
دا لا نده معلومه، چي په ۲۰۲۰م کال کي به د کوم یوه لوبغاړي بخت خلاص وي، چي د لوبډلي ترڅنګ د ځان لپاره به لاسته راوني او فردي جایزې ترلاسه کړي.