له ازبیکستان وارداتي برېښنا بېرته عادي حالت ته راګرځېدلې ده.
د برېښنا شرکت وایي چې نن سهار شاوخوا اووه بجې له ازبیکستان د برېښنا ستونزه حل شوې ده او وارداتي برېښنا به خپل عادي جریان ته ادامه ورکړي.
سرچینه وایي چې دغه پرچاوي په ازبیکستان کې په تیلي مرجان سټیشن کې یوه تخنیکي ستونزه رامنځ ته شوې وه چې له امله یې پر افغانستان شپېته سلنه برېښنا کمه شوې وه.
برېښنا شرکت وایي دمګړی دغه ستونزه حل شوې او که د برېښنا وړې پرچاوۍ رامنځ ته کېږي نو اصلي لامل به یې پر برېښنا بوج او ځینې وړې ستونزې وې.
د ازبیکستان په برېښنا کې دوه ورځې وړاندې شپېته سلنه کموالی رامنځ ته شوی و، چې خلک یې له سختو ستونزو سره مخ کړي وو.
د یادونې ده چې په دې وروستیو شپو ورځو کې په ځینې ولایتونو ځانګړې توګه پلازمېنه کابل کې د برېښنا پرچاوي زیاته شوې ده.
هیره دې نه وي چې دې چارې افغانان سخت اندېښمن کړي دي.
په ورته وخت کې برېښنا شرکت وایي چې په ژمي کې معمولاً له دې امله پرچاوي زیاته وي چې خلک له برېښنا څخه ډېره ګټه اخلي خو ټینګار کوي چې تر یوه حده به د هېوادوالو ستونزو ته رسېدګي وکړي.
