ليکنه: صابرحميدي
د اروپا تر ټولو ستر لیګ دوې اونۍ مخکي پيل سو، چي پرون چهارشنبه ئې د دوهمي اونۍ په لوبو کي بارسلونا او انټر مېلان د بارسلونا په کورني لوبغالي نیوکمپ کي میدان ته سره کښته سول.
په دې لوبه کي بارسلونا ۲ ګولونه پر ۱ انټر مېلان ته ماته ورکړه.
د دې لوبي د پيل په شیبو درېیمه دقیقه کي انټر میلان بارسلونا ته ګول ورکړ او مارټینیز ګول وواهه.
وروسته بارسلونا لوبه خورا تېزه کړه، خو په لومړۍ نیمايي کي ئې د ډېرو هڅو سره ـ سره بیا هم ګول ونه واهه او لومړۍ نیمايي ۱ ګول پر ۰ د انټر مېلان په ګټه پاي ته ورسېده.
دوهمه نیمايي کي بارسلونا یو ځلي بیا خپلي حملې تیزي کړې او دې حملو ئې هم نتېجه ورکړه او د لوبي په ۵۸مه دقیقه کي لیویز سواریز یوه ښایسته ګولوهنه وکړه او لوبه ئې ۱ ګول پر ۱ ګول مساوي کړه.
تر هغه وروسته دواړو لوبډلو لوبه خورا تیزه کړه او څو د ګول چانسونه ئې هم لاسه ورکړه.
د لوبي په ۸۵یمه دقیقه کي یو بل د ګول چانیس لیویز سواریز ته ورسېد او هغه هم په ګولوهني بدل کړ او لوبه ئې ۲ ګولونه پر ۱ مخته کړه.
دا لوبه په همدې ۲ ګولونه پر ۱ د بارسلونا په ګټه پاي ته ورسېده.
د چمېنزلیګ دا ۶۵م پړاو سیالۍ دي، چي د ۲۳ لوبډلو ترمنځ د اروپا په بیلابیلو هیوادونو کي ترسره کیږي.
دا ۳۲ لوبډلي لومړی په ګروپ او بیا وروسته په نورو پړاونو کي د تګ او راتګ په ډول سره لوبیږي.
د دې لیګ لومړی مقام تېر پړاو لیورپول خپل کړی وو.