خبريال: مدثر دعوت
هندوستاني کريکټر يوزويندرا چاهال د عاشقۍ تر دوران وروسته د دانا شري ورما په نوم نجلۍ سره واده وکړ.
هندۍ کريکټ لوبډله اوسمهال په اسټراليا کې ده او نن يې دويمه ټيسټ لوبه وه،چاهال تر شل اووريزو او يو ورځنيو لوبو وروسته بيرته هندوستان ته ولاړی او د خپل نوي ژوند پيل يې وکړ.
چاهال په تنه ټيټ دی او ښايسته هم ندی، بلخوا بيا د ژوند جوړه یې ورسره په قد جوړه او تر ده ډېره ښايسته ده خو چاهال بيا يو پياوړی کريکټر دی.
کريکټران د لوبو ور ها خوا زموږ او ستاسو په څېر ژوند لري، دوی هم هماغه څه چې طبیعتاً موږ يې خوښوو دوی يې هم په لټه کې وي،مطلب داچې خپل ژوند يې يوازې دندې ته ندی وقف کړی.
د چاهال او ورما د ميني او اړيکو کيسه له ډېر مخکې پيل سوې، دوی په روان کال اګسټ مياشت کې کوزده وکړه پداسې حال کې چې له ډېر پخوا يې پيژندلي وه.
د ۲۰۲۰ز هندوستان پريمرليګ پرمهال چاهال خپله معشوقه له ځانه سره عربي اماراتو ته هم بېولې وه او د دبۍ پر منظرو يې ګرځوله.
دوی د پنجشنبې په ورځ ډهلي کې واده وکړ،خو کرونا وېروس له کبله يې د واده مراسم ځانګړي وه او ډېريو کسانو لپاره پکښې د ګډون کولو اجازه نه وه.
دانا شري ورما ډاکتره ده،يوټيوب کې په ميليونونو مينوال لري او د ډانس يا رقص استاده ده همدارنګه يوه کمپنۍ هم لري.