لیکنه: بهار سمسور
د کریکټ نړیوال جام وړمه ورځ د کوربه انګلستان په بري پای ته ورسیده.
په دې نړیوال جام کې لس لوبډلو ګډون کړی و،چې د هرې لوبډلې له منځه یو، دوه،دری حتآ څلور او پینځه لوبغاړي ښه ولوبیدل او په بېلا بېل وخت کې وځلیدل.
سره له دې چې د افغان کریکټ ملي لوبډلې پیاوړي لوبغاړي،محمد نبي راشد خان او هم مجیب د کریکټ نړیوالې شورا په درجه بندۍ کې مخکې هم و/دي،خو د تمعې خلاف په دغه نړیوال جام کې هغسې چې په کار و او ضرورت یې و، ونه ځلیدل؛له همدې کبله په دغه غوره لوبډله کې هم شتون نه لري.
دا چې ولې؟
پر دې نه غږیږو، لیکن د کریکټ نړیوالې شورا د لویو ټورنمېنټونو لکه کریکټ نړیوال پنځوس اوریز/ شل اوریز جام،ای سي سي چمپینز ټراپي، اسیا جام او نور غټ ایوېنټس ټورنمېنټونه چې کله هم پای ته ورسیږي، کریکټ مبصرین او کریکټ نړیوالې شورا د ټورنمېنټ غوره لوبډله، چې په ټورنمېنټ کې د هرې لوبډلې ځلیدلي لوبغاړي پکې وي اعلانوي.
د دې نړیوال جام غوره یولس کسیزه لوبډله د کریکټ نړیوالې شورا د پینځه کسیزې کومیټې له لوري اعلان شوې،چې په دغه کومیټه کې کومینټیټران این بیشاپ،این سمېت،ایشا ګوها، د کریکټ نړیوالې شورا عمومي مدیر ایلاردیس او خبریال لورینس پکې دي، له دې نړیوال جام دغه لوبغاړي غوره لوبډله کې اعلان کړي دي.
دغه لوبغاړي له انګلستان، نیوزلېنډ، اسټرالیا، هندوستان او بنګلادېش څخه غوره شوي، اما د افغانستان په شمول د پاکستان،سریلنکا، جنوبي افریقا او ویسټینډیز پکې کوم لوبغاړی وجود نه لري.
لوبډله:
لوبډلمشر کین ویلیمسن، جیسن رای، روهیت شرما، جي رووټ، شکیب الحسن، بین سټوکس، (ویکټ ساتونکی)الیکس کیري، میچل سټارک، جفرا ارچر، لوکي فیرګسن، جسټ پرېټ بومرا.
سره له دې چې د این مورګن په لوبډلمشرۍ کې انګلستان د دې نړیوال جام اتل شو،خو پینځه کسیزې کومیټې لوبډلمشر کین ویلیمسن ټاکلی دی.