ژباړه: محمد عزیز پردېس
بریالي سوداګر او د بشري حقوقو فعال وارن بافټ د هاوارډ بافټ زوی په کال ۱۹۳۰ لمريز کې د امريکا په نبراسکا کې نړۍ ته سترګې وغړولې، هغه څوک چې د شلمې پېړۍ بريالی پانګه وال شمېرل کېږي. نوموړي له ماشومتوبه له پانګې اچونې او سوداګرۍ سره مينه وه او په همدې برخو کې يې زده کړې هم وکړې. هغه دمګړی د برکشاير هاټاوي شرکت رئيس او مشر دی.
نوموړی همدارنګه په ډېرو نورو شرکتونو کې شريک دی چې ترټولو مشهور يې دا دي:
ولز فارګړ، کوکاکولا، امريکن اکسپرس او ای بي ام.
وارن بافټ دوه قوانین د ځان لپاره ټاکلي دي:
لومړی قانون: پیسې له لاسه نه ورکوم.
دويم قانون: لومړی قانون نه هېروم.
نوموړی په ۲۰۰۸ کال کې د نړۍ ترټولو شتمن او بډای شخص وپېژندل شو او په ۲۰۱۷ کال کې هم د نړۍ درېيم شتمن شخص و.
د بافټ لنډې خبرې:
– هېڅکله نشو کولی چې د يوه بد انسان سره ښه اړيکه ولرو.
– هڅه وکړئ چې د خپل په پرتله ښو انسانانو سره ناسته پاسته وکړئ، د هغوی سره معاشرت ستاسو د پرمختګ سبب ګرځي.
– مهمه نه ده چې څومره مهارت يا شتمني لرئ، ځيني کارونه وخت ته اړتيا لري.
– د اعتبار جوړول اوږدو کلونو ته اړتيا لري او خرابول يې د څو دقيقو کار دی.
ـ زه برياليتوب د هغه کسانو سره اندازه کوم چې راسره مينه لري.
– زه په دې پوهېدم چې شتمن کېږم.