راپور: بشر درویش
د امریکا ولسمشر ډونالډ ټرمپ په یوه تازه پيغام کې ویلي چې مشاوره یې کرونا شوې او دا ددوی لپاره هم د خطر نښه ده.
هغه ویلي چې هوپ هیکس چې پرته له ځنډه سخت کار کوي او اوس کرونا نیولې.
ډونالډ ټرمپ ویلي چې دی او میرمن یې میلانیا ټرمپ هم منتظر دي چې د کرونا ټیسټ یې څه ډول دی.
Hope Hicks, who has been working so hard without even taking a small break, has just tested positive for Covid 19. Terrible! The First Lady and I are waiting for our test results. In the meantime, we will begin our quarantine process!
— Donald J. Trump (@realDonaldTrump) October 2, 2020
ټرمپ زیاته کړې چې په ورته وخت کې د قرنطین کیدو لپاره هم چمتووالی نیسي.
ډونالډ ټرمپ چې بیا د امریکا ولسمشرۍ ټاکنو ته نوماند دی، له خپل ډیموکراټپال سیال جوبایډن سره یې وړمه ورځ لومړۍ مناظره هم ترسره کړه.
دا به ښاغلي ټرمپ او نورو سیاستوالو ته سخته وي چې د پخوا په څیر ټاکنیز کمپاینونه وکړي، ځکه لا هم کرونا په نړۍ کې یو ګواښ دی او ویل کیږي چې دویمه څپه یې هم راتلونکې ده.
