خبريال: مدثر دعوت
پرون په ای پي ايل ليګ کې دوې لوبې ترسره سوې.
په لومړۍ لوبه کې کلکتې په سوپر اوور کې حيدر اباد ته ماته ورکړه او په دويمه لوبه کې پنجاب تر دویم سوپر اوور وروسته ممبی ته ماته ورکړه.
تر ټولو جالبه داده چې دواړې لوبې په سوپر اوورونو سره پایته ورسېدې او دا د ای پي ايل په تاريخ کې لومړی ځل دی چې په یوه شپه درې سوپر اووره ترسره کېږي.
د کلکتې په وړاندې حیدراباد د لوبې پچه وګټله او د توپ اچوونې پرېکړه يې وکړه.
کلکتې وکولای سوه چې په پوره ۲۰ اوورونو کې د ۵ لوبغاړو په سوځېدو سره ۱۶۴ منډې هدف وټاکي.
شبمان ګېل ۳۶، ايون مورګن ۳۴، رانا ۲۹ او کارتيک هم ۲۹ منډې وکړې.
د حيدراباد لپاره ناتراجن ۲، همدرانګه راشدخان، شنکر او ټامپي يوه يوه ويکټه ترلاسه کړه.
د کلکتې د ۱۶۴ منډو هدف په تعقیب د حيدراباد لپاره ډېويډ وارنر ۴۷، بيرسټو ۳۶، ويليمسن ۲۹ او عبدالصمد ۲۳ منډې وکړې.
د کلکتې د توپ اچوونکو څخه فیرګسن ۳،کمینز،ماوي او ورن يوه يوه ويکټه ترلاسه کړه.
د کلکتې او حيدراباد لوبه ستوپر اوورته ولاړه.
په سوپر اوور کې چې د کلکتې لپاره کلدیف یاداو ترسره کړ، ډېويډ وارنر او عبدالصمد د ۳ منډو هدف وټاکی چې کلکتې د راشد د توپ اچوونې په وړاندې په څلورم توپ پوره کړ.
د ۳۶مې لوبې ټاس بيا ممبی وګټی او پنجاب ته یې د توپ اچوونې بلنه ورکړه.
د ممبی لپاره تر ټولو ډېرې منډې ډيکوک ۵۳، کرونال پانډيا، او پولارد ۳۴ وکړې.
د پنجاب لپاره محمد شمې او ارشديپ سينګ دوې دوې، همدارنګه بیشنو او جوردن يوه يوه ويکټه ترلاسه کړه.
د ۱۷۷ منډو هدف په تعقيب د پنجاب لوبډلمشر غوره توپوهنه ترسره کړه.
د پنجاب لپاره لوکېش راهول ۷۷ ،کریس ګېل ۲۴ او پوران هم ۲۴ منډې وکړې.
د ممبی لپاره بومرا ۳ او چاهار ۲ ويکټې واخيستلې.
بولټ وکولای سوه چي په لومړيو کې پنجاب له بريا راوګرځوي او لوبه يې په غوري توپ اچوونې سره سوپر اوور ته يووړه.
د سوپر اوور لپاره ممبی بومرا وټاکی چې راهول،پوران او هودا ۶ منډې هدف وټاکی،خو محمد شمې د روهيت شرما او ډيکوک په شتون کې د سوپر اوور د ۵ منډو دفاع وکړه او خبره بل سوپر اوور ته ودرېده.
خو په دويم سوپر اوور کې ممبی د هاردیک پانډيا او پولارد په توپوهنه ۱۲ منډې هدف وټاکی خو دا ځل پنجاب کريس ګېل او اګروال د سوپر اوور لپاره انتخاب کړه چې په يوې شپږېزې او دوو څلوريزو سره پايته ورسېدی.
پنجاب په دویم سوپر اوور کې ممبی ته ماته ورکړه.
ممبی د جدول په دويم،کلکته په څلورم،حيدراباد په پنځم او پنجاب په شپږم ځای کې قرار لري.
نن ماښام شپږنيمي بجې د راجستان او چينای لوبه ده.