د هند حکومت اعلان کړی چې تاج محل به د کرونا وېروس په خاطر نه پرانيستل کېږي.
څو ورځې وړاندې د هند کلتوري وزير پرهلاد سينګ اعلان وکړ چې تر ۳ مياشتني ځنډ وروسته د دوشنبې په ورځ به يوځل بيا د تاج محل په ګډون د هندوستان لرغونې يادګارونه د سيلانيانو د کتلو لپاره پرانيزي، خو تېره شپه ناوخته د اګرې چارواکو ناسته کړې او د تاج محل په اړه پرېکړه يې ځنډولې،ځکه دوی وېره لري چې د کرونا وېروس لاهم په شديد حالت کې دی.
د دوی تر ټولو لويه اندېښنه دا وه چې اکثره ګرځندويان به د ډهلې له لارې اګرې ته راځي پداسي حال کې چې په ډهلي کې د کرونا ويروس د مثبتو پېښو شمير خورا په چټکۍ روان دی.
د ګرځندوی صنعت چې پدې تمه وو چې حکومت به ورته د فعاليت اجازه ورکړي خو د جنوري له ۲۵مې راهيسي لاهم په انتظار کې دي.
اګرا د هند د اطر پردېش ايالت څلورم غټ ښار دی چې د نوي ډهلي څخه ۲۰۶ کيلومتره لېري دي.
چارواکو ويلي چې د اورګاډو او الوتکو نه شتون کې به ډېری سيلانيان و نه سي کولای چې اګرې ته ځان ورسوي.
په عين حال کې په اګرې کې د کرونا وېروس مثبتې پېښې تر تېرې شپې ماښام پورې ۱۲۹۵ ته رسيدلي چې ۱۳ يې تازه ثبت سوي.
په هند کې تر دې مهاله د کرونا وېروس ۶۹۷۸۳۶ مثبتې پېښې ثبت سوي چې له امله يې ۱۹۷۰۰ کسان مړه سويدي.
د تاج محل مقبره د مغلو د مسلمان باچاه شاجهان د ميني يوه نښه ده چې د خپلي ميرمني ممتازمحل تر مرګ وروسته يې په ۱۶۳۲ز کې جوړه کړه،چې رغنيزو چارو يې ۱۷ کلونه وخت ونيوی.