له څلورڅلوېښت کاله زندان‌تېرولو وروسته بې‌ګناه وپېژندل شو

اگست 29, 2020 محمد صابر حمیدي ، کندهار بریا او پرمختګ, ټولنیز ژوند, خوندیتوب, ژوند بڼه, کلتور او هنر څرگندونې بندې دي
په ابي پرده ، دا یاران لوګو او یادښت
‌لیکنه: محمدصابر حمیدي

په امریکا کې تور پوستی زنداني ۴۴ کاله وروسته بې ګناه وپېژندل شو.
د رپوټونو پر اساس د امریکا په متحده ایالاتو کې یو تورپوستی له ۴۴ کلونو زندان تېرولو سره وروسته بې ګناه وپېژندل شو او له زندان څخه ازاد کړل شو.
د ان بي سي خبري اژانس د راپور له مخي د روني لونګ په نامه ۶۴ کلن تور پوستي پر یوې سپین پوستي نجلۍ د جنسي تېري په تور ۴۴ کاله زندان کې تېر کړل.


په راپور کې راغلي چې روني لونګ د پنجشنبې پر ورځ په شمالي کارولینا کي تر ۴۴ کلن بند تېرولو وروسته خوشي سو.
لونګ تر خوشي کېدلو وروسته وویل:

“خپلې کورنۍ ته تل سترګې په لاره وم، چې ځینې مې لا تراوسه نه دي لیدلي. زه به تر ازادېدو وروسته له هرې دقیقې څخه خوند واخلم.“

هغه وروسته له هغه خوشی شو، چې د استیناف محکمې هغه بې ګناه ثابت کړ.
په ۱۹۷۶م کې پر روني لونګ باندي د جنسي‌تېري او غلا په تور عمر قید سزا اورول شوې وه.