لیکنه: محمدصابر حمیدي
د افغانستان د کرکټ ملې لوبډلې نامتو او تکړه لوبغاړی راشدخان ارمان په شل اوریزه سیالیو کې د یوې لسیزې په غوره لوبډله کې تر ټاکل کېدو وروسته پرون دوشنبه په شل اوریزه سیالیو کې د یوې لسیزې تر ټولو غوره لوبغاړی راغلی.
د کرکټ نړیوالې شورا په شل اوریزه، یو ورځنیو او ټیسټ لوبو کې د یوې لسیزې غوره لوبډلې وړمه ورځ اعلان کړې، چې راشدخان د شل اوریزه سیالیو په یوولس کسیزه لوبډله کې راغلی.
تر هغه وروسته پرون دوشنبه دې شورا په یادو دریو واړه فارمټونو کې د یوې لسیزې تر ټولو غوره لوبغاړي اعلان کړل، چې د ټیسټ لوبو دا اسټرالوی سټیو سمیت، د یو ورځنیو لوبو دا هندی ویراټ کوهلي او د شل اوریزه سیالیو دا بیا افغان راشدخان د یوې لسیزې تر ټولو غوره لوبغاړی راغی.
تر یادو ټاکلو وروسته د ګڼو افغانانو ترڅنګ ولسمشر محمد اشرف غني، پخواني ولسمشر حامد کرزي او د ملې مصالحې عالي شورا رییس ډاکټر عبدالله عبدالله د دې ویاړ په پار راشدخان او ټولو افغانانو ته مبارکې وویله.
راشدخان ارمان هم پر خپلې رسمې فیسبوکپاڼې ویلې، د هیوادوالو دې خوښۍ ورڅخه خبري هیري کړې.
هغه لیکلې:
(درنو هیوادوالو، د خپلو وطنوالو دا خوښي او خوشحالي، چې مې ولیده دومره احساساتي شوم، چې خبرې راڅخه هیري شوې. د الله مننندوی یم چې بیا یې جوګه کړم چې ګران هیواد افغانستان ته یو بل ویاړ راوړم.خوشحال یم چې د آی سي سي د لسیزې د غوره لوبغاړي جایزه مې وګټله، دا د ټول افغانستان افتخار دی.)
د دې ترڅنګ راشدخان ارمان ویلې، چې راتلونکې کې به هم هڅې کوې، تر څو د افغانستان لپاره ویاړونه راوړي.
هغه زیاته کړې:
«زه د افغانستان د یو ځوان په توګه به تل هڅه کوم چې خپل هیواد ته ښه نوم او ښه افتخارات راوړم.»
https://www.facebook.com/1480520732221607/posts/2859289481011385/
