د کرېک اېنفو وېب پاڼې د ۲۰۲۰ کال غوره لوبډلې اعلان کړي، چې په شل اوریزه لوبډله کې د راشدخان نوم هم شته.
که څه هم د کرکټ نړیوالې شورا د لسیزې په غوره لوبغاړو کې د پاکستاني لوبغاړو نومونه نه وو، ځای کړي، خو کرېک اېنفو وېب پاڼې بیا په خپلو لوبډلو کې پاکستانیو لوبغاړو ته ځای ورکړی دی.
د شل اوریزو لوبو لوبډله
کوېنټن ډیکاک، جاس بټلر، کی اېل راهول، اې بي ډیویلیرس، نیکولاس پوران، کېرن پولارډ لوبډلمشر، شاداب خان، راشدخان، جسپرېت بومرا، جوفرا ارچر او شاهین افریدي.
راشدخان په یو کال کې په شل اوریزو لوبو کې ۵۳ وېکټې اخیستي دي او ایکانومي یې هم ۶ اعشاریه ۳۴ ده.
د یو ورځنیو لوبو لوبډله
د یو ورځنیو لوبو په لوبډله کې اېرون فېنچ لوبډلمشر، ډېوېډ وارنر، ویرات کولي، سټېف سمېت، کې اېل راهول، ګلېن مکسوېل، جدیجا، جوفرا ارچر، الزاري جوسیف، اډم زمپا او جاش هزل ووډ.
په ټېسټ لوبډله کې
شان مسعود، ډام سېبلي، کېن ویلیمسن، بابراعظم، بېن سټوکس، جېرمېن بلک ووډ، جاس بټلر، سټورټ براډ، ټېم سوتي، نتن لیئن او کایل جمېسن شامل دي.
په ښځينه شل اوریزه لوبډله کې، الېسا هیلي، بېت موني، مېګ لنېنګ، سوفي ډیواین، هیتر نایټ، اشلي کارډنر، کترین برنټ، جېس جوناسین، سوفي ایکل سټون، مېګن سکټ او پونم یداف شاملې لوبغاړې دي.
