خبريال: مدثر دعوت
د باليووډ سېنما په پلار مشهور لوبغاړي اميتاب بچن د خپلو مينوالو څخه مننه کړې.
د رواني جولای مياشتي په يوولسمه نېټه اميتاب بچن او زوی يې ابيشېک بچن د کرونا وېروس له کبله په روغتون کې بستر سوه.
روغتون ته تر تګ وروسته مشهوره فلمي ستورې او د هند د ښکلا پخوانۍ ملکه ايشواريا رای بچن چې د ابيشک مېرمن ده د خپلي لور سره يوځای د کرونا وېروس له امله په روغتون کې بستر سوه.
د بچن د کورنۍ په دې حالت سره يې مينوال په هند او دباندي خورا سخت غمجن سوه.
مينوالو يې د هند په بيلابيلو ايالتونو او د نړۍ په بيلابيلو هيوادونو کې د دوی د روغتيا او سلامتۍ لپاره د دعاوو ځانګړي مراسم جوړ کړه.
اميتاب بچن د خپل ټويټر اکاونټ له لارې د مينوالو څخه مننه وکړه او ليکلي يې دي:” موږ ستاسو مينه وينو،ستاسو دعاوي اورو,ستاسو د لطف او مهربانۍ څخه د زړه له کومې مننه کوو”.
https://twitter.com/SrBachchan/status/1284540522879578112?s=19
ډاکتران د اميتاب بچن د روغتيايي حالت د ښه کېدو خبر ورکوي خو د ايشواريا او لور حالت يې لاهم وخيم دی.