ژباړه: صديقه پوپلزۍ
که موږ خپل ژوند کې ډېره خوشحالي غواړو نو باید په ځان مهربانه اوسو.
ـ خپل ځان لپاره وخت ځانګړئ کړی او د خپل ځان په اه فکر وکړئ؛ ځکه تر هر څه ډېر باید موږ په خپل فکر کې اوسو. کوم وخت چې خپل ځان لپاره ځانګری کوو په هغه وخت کې باید خپل د خوښې کار وکړو.
ـ خپل قدر وکړئ؛ موږ تل د نورو بریاوو ته پام کوو خپل ځان رانه هېر وي، خو داسې باید ونه کړو باید خپل ځان هم وستایو او کله چې مو ښه کار وکړ، بیا نو خپل ځان ته ډالۍ ورکړو او ووایو افرین دې ماته وي.
ـ خپل ځان ته بخښنه وکړئ؛ که کوم وخت مو غلطي کړي وي یا ماته مو خوړلې وي، د هغه لپاره باید خپل ځان ونه رټو، د خپلو خطاوو له امله باید خپل ځان وبخښو او نوی پیل وکړو.
ـ د خپل ځان ډېر خیال ساتئ؛ یانې موږ تل باید په خپل فکر کې ډېر اوسو، پر وخت خپل ویده شو، ورزش وکړو او سم خوراک وکړو سبزیجات ډېر وخوړو، چې ښه صحت ولرو، او ظاهر ته باید ډېر پام وکړو.
ـ خپل ځان ته درناوۍ وکړئ؛ ځان ته درناوی په دې معنا دی کوم څه چې یاست، هغه ته ارزښت ورکوئ او هېڅکله بل چاته دا اجازه مه ورکوئ ستاسو ارزښت له منځه یوسي. د ځان درناوی یانې په ځان باور درلودل دي.
ـ خپل ځان ته ډالۍ/ جایزه ورکړئ؛ یانې کله چې کوم کار مو پای ته ورساوه. نو ځان ته ډالۍ واخلئ او ځان وستایئ.
ـ خپل ځان ارامه کړئ؛ حمام وکړئ، میوزیک واورئ، کوم څه چې مو خوښ دي هغه واخلئ.
ـ خپل ښه کارونه تل په یاد وساتئ؛ هېڅکله خپل ښه عادتونه او کارونه مه هېروئ، تل یې خپل ذهن کې وساتئ ترڅو د هغه په وسیله وهڅول شئ.
ـ که ولوېدئ نو خپل ځان په خپله پورته کړئ؛ کوم وخت که مو ماته وخوړه نو مه تسلیمېږئ، بیا بیا ځلي هڅه وکړئ او له ځایه پورته شئ،چې ځان بریا ته ورسېږئ.
- پر خپل ځان باور ولرئ؛ تل مثبت فکر وکړئ ځکه دا کار ستاسې ځواک زیاتوي او د منفي فکرونو څخه مو ژغوري. تل ووایاست چې زه کولای شم، زه وړتیا لرم.