لیکنه: محمدصابر حمیدي
د پاکستان د کرکټ ملې لوبډلې لوبغاړو په نیوزیلنډ کې د کرایسچرچ جومات د پيښې له قربانیانو سره وکتل او له هغوی سره یې خواخوږي وښودله.
https://www.facebook.com/122256314471875/posts/4038811446149656/
د کرایسچرچ په النور جومات کې د ۲۰۱۹م کال په مارچ میاشت کې یوه سپین پوستي سړي ډزې کړې وې، چې ۵۱ کسان یې وژلې وه.
پاکستانۍ لوبډله په نیوزیلنډ کې
د پاکستان او نیوزیلنډ کرکټ ملې لوبډلې اوس د نیوزیلنډ په کوربتوب د دوو ټیسټ سیالیو له ډلې په دویمه ټیسټ لوبه بوخت دي.
د دې لوبې په لومړۍ پاڼې کې د پاکستان ټوله لوبډله په ۲۹۷ منډو وسوځېدله.
د دوو ټیسټ لوبو د لړۍ په لومړۍ لوبه کې کوربه نیوزیلنډ بریا خپله کړې وه.
تر ټیسټ سیالیو مخکې دې دوو هیوادونو د دریو شل اوریزه سیالیو لړۍ ترسره کړه، چې یاده لړۍ نیوزیلنډ ۲ پر ۱ د پاکستان څخه وګټله.
د یادي لړۍ په لومړۍ او دویمه لوبه کې نیوزیلنډ، خو په درېیمه کې بیا پاکستان بریا خپله کړې وه.
