د پاکستان سوپرلیګ په ۲۷مه لوبه کې پرون کراچي کینګز او لاهور قلندرز لوبډلې یو د بل پر وړاندې ولوبېدې، چې پکې کراچي کینګز لوبډلې په ۷ منډو توپیر لاهور قلندرز لوبډلې ته ماتې ورکړه.
د یادي لوبې بشپړ جذیات
لومړی توپوهنه کراچي کینګز لوبډلې وکړه، چې په ټاکل شلو اورونو کي یې د ۵ لوبغاړو په سوځېدو سره ۱۷۶ منډې وکړې او سیالي لوبډلې ته یې د ۱۷۷ منډو هدف وټاکی.
کراچي کینګز ته بابراعظم ۵۴، مارټین کوپټیل ۴۳ او وسیم بیا ۳۰ منډې وکړې.
لاهور قنلدرز لوبډلې ته راشدخان ارمان ۲، شاهین افریدي ۱، احمد دانیا ۱ او محمد حفیظ هم ۱ ویکټه واخیستله.
کله چې لاهور قلندرز لوبډله د هدف پوره کولو لپاره میدان ته کښته شوه، نو د لوبې په ټاکلو شلو اورونو کې یې ۱۶۹ منډې د ۷ لوبغاړو په سوځېدو سره وکړې او ونه توانېدله، چې هدف ته ځان ورسوي.
د لاهور قنلدرز لپاره محمد حفیظ ۳۶، ډاویډ ۳۴، پلکنر ۳۳ او اختر بیا ۲۱ منډې جوړې کړې.
د کراچي کینګز لپاره نوراحمد لکڼوال ۲، محمد الیاس ۲، سید وسیم ۱ او محمد افریدي هم ۱ لوبغاړی وسوځاوه
A derby that always lives up to its name! Lahore kept at it but the defending champions won out in the end!#HBLPSL6 | #MatchDikhao | #KKvLQ pic.twitter.com/RrZjWJyJfC
— PakistanSuperLeague (@thePSLt20) June 17, 2021
پرونۍ لوبه کې افغان لوبغاړي
په لاهور قنلدرز لوبډله کې راشدخان ارمان او په کراچي کینګز لوبډله کې بیا نجیبالله ځدران او نوراحمد لکڼوال ولوبېدل.
۱ـ راشدخان ارمان: په توپوهنه کې یې په ۶ توپونو ۱۱ ناسوځېدلې منډې وکړې او ددې ترڅنګ یې بیا په توپاچونه کې څلور اورونه وکړل، ۲۲ منډې یې ورکړې او دوې مهمې ویکټې یې واخیستلې.
۲ـ نوراحمد لکڼوال: په پرونۍ لوبه کې نوراحمد لکڼوال ۴ اورونه وکړل، ۱۹ منډې یې ورکړې او ۲ مهمې ویکټې یې واخیستلې، ددې ترڅنګ د لوبې غوره لوبغاړی وټاکل شو.
۳ـ نجیبالله ځدران: نجیبالله ځدران چي په کراچي کینګز لوبډله کې لوبیږي، پرون په صفر وسوځېد.
Two wrist-spinners from Afghanistan, and it was the younger one who took the win and the Player of the Match trophy!#HBLPSL6 | #MatchDikhao | #KKvLQ l @noor_ahmad_15 pic.twitter.com/e7457MdfXM
— PakistanSuperLeague (@thePSLt20) June 17, 2021
