د افغانستان د کرکټ ملې لوبډلې مشهور سلو توپ اچونکې مجیب الرحمن ځدران د اسټرالیا بیګ باش لیګ راتلونکې پړاو کې د لوبېدو په موخه یوځلې بیا له پخوانۍ لوبډلې بریسبېن هېټ لوبډلې سره تړون وکړ.
ددې خبر تائید خپله بریسبېن هېټ لوبډلې پر خپلې رسمې ټویټر پاڼې کړی، چې له مجیب سره یې د بیا تړون کېدو په موخه خوښي ښوودلې او ورته یې ښه راغلاست ویلی.
Our mystery spinning superstar, @Mujeeb_R88 is back for a fourth summer! 🙌
👉 https://t.co/3dgn8K8sU1#BBL11 #BringtheHEAT pic.twitter.com/7MsgUqYCep
— Brisbane Heat (@HeatBBL) August 31, 2021
د اسټرالیا بیګ باش سیالۍ، پکې د مجیب تېرو لوبو ته کتنه او نور افغان لوبغاړي
ټاکل شوې د اسټرالیا بیګ باش لیګ ۱۱م پړاو د روان ۲۰۲۱م کال د ډیسمبر میاشتې په پنځمه نېټه پیل شي او د راتلونکې ۲۰۲۲م کال د جنورۍ میاشتې تر ۲۸مي نېټې پورې به دوام وکړې.
مجیب دا څلورم ځل دی، چې د بریسبېن هېټ لوبډلې سره به ولوبیږي.
هغه تر دې مخکې د هېټ لوبډلې لپاره په مخکنیو دریو پړاونو کې ټولې ۲۶ سیالۍ ترسره کړې دي، چې د ۶،۱۴ ایکانومي سره یې ۲۹ ویکټې اخیستې دي.
د مجیب ترڅنګ د اسټرالیا بیګ باش لیګ په مخکنیو پړاونو کې محمدنبي، راشدخان، قیس احمد، ظاهرخان او نوراحمد لکڼوال هم لوبېدلې، خو ددې لیګ په راتلونکې پړاو کې د مجیب ماسیوا د نورو افغان لوبغاړو د لوبېدو په اړه تراوسه کوم خبر نه دی ورکړل شوی.
