خبريال: مدثر دعوت
افغان الراونډر محمد نبي پر خپل فيسبوک اکاونټ ليکلې چې د ملي دندي لپاره یې د عربي اماراتو په لور حرکت وکړ.
نبي تېره ورځ په بيګباش ليګ کې د خپلي لوبډلې په ګټه په ۴۰ توپونو ۷۱ منډې وکړې او لوبډله یې بريا ته ورسوله،چې د لوبې غوره لوبغاړی هم اعلان سو.
خو نن يې پر خپلي فیسبوک پاڼې د پاسپورټ او خپل عکس په خپرولو سره ليکلې چې د ملي دندې لپاره پر لاره دی.
افغانستان د ايرلينډ سره د روانې مياشتې په ۲۱مه، ۲۴مه او ۲۶مه نېټو درې نړيوالې لوبې ترسره کوي.
افغان کريکټ ملي لوبډله درې ورځې وړاندې عربي اماراتو ته ولاړه چې نن يې قرنطين ختم سو.
