خبريال: مدثر دعوت
د ای پي ايل سياليو په لړ کې پنجاب د ۱۲ منډو په توپير حيدر اباد ته ماته ورکړه.
اوس د ای پي ايل هغه پړاو لوبې پيل سوي چې د هرې لوبې ګټل يې د لوبډلو لپاره ډېر مهم دي.، ځکه ممبی،ډهلي او بنګلور هڅه کوي ځان د جدول په سر کي راولي خو پنجاب، حيدراباد او راجستان غواړي په غوره څلورو لوبډلو کې ځانونه راولي، همدارنګه کلکته بيا کوښښ کوي چې پر خپل څلورم مقام پاته وي.
د ای پي ايل ۴۳مه لوبه کې سنرايزر حيدراباد د لوبې پچه وګټله او کينګز ايليون پنجاب ته یې د توپوهنې بلنه ورکړه.
د پنجاب لپاره پوران ۳۲، راهول ۲۷ او کريس ګېل ۲۰ منډې وکړې.
په توپ اچوونه کې د حيدراباد لپاره راشدخان،سنديپ شرما او جېسن هولډر دوې دوې ويکټې واخيستلې.
که څه هم د ۱۲۷ منډو هدف ډېر لږ وو خو د پنجاب توپ اچوونکو يې ښه دفاع وکړله.
د حيدراباد لپاره ډېويډ وارنر ۳۵، ويجی شنکر ۲۶ او بيړسټو ۱۹ منډي وکړې.
د پنجاب لپاره ارشديپ سينګ او کريس جوردن درې درې ويکټي واخيستې،همدارنګه محمدشمې، مورګن اشوين او بيشنو يوه يوه ويکټه واخيستله.
لوبه پنجاب د ۱۲ منډو په توپير سره وګټله او د لوبې د غوره لوبغاړي جائزه کريس جوردن ته ورکړل سوه.
پدې بريا سره د پنجاب چانس دويم پړاو ته زيات سو خو حيدراباد به يوازي په بخت سره غوره څلورو لوبډلو کې ځای نيسي.
پنجاب ۵ لوبې ګټلي او د جدول په پنځم ځای کي قرار لري او حيدراباد د ۴ لوبو په ګټلو سره شپږم ته کښته سو.