هندو مور او پلار خپله ۱۲ کلنه لور په یوه سړي د دې لپاره پلورلې تر څو په لاسته راغلو پیسو د خپل مشر زوی درملنه وکړي.
له The Times Of India د راپور پر بنسټ، په هند کې يوې کورنۍ خپله ۱۲ کلنه لور د خپل مشر زوی د درملنې د لګښت نه درلودو له امله په یوه بالغ سړي پلورلې ده.
د دغه راپور له مخې، یادې کورنۍ خپله ۱۲ کلنه لور په خپل ۴۶ کلن ګاونډي، د ۱۰ زره هندي روپیو په بدل کې پلورلې ده.
له واده وروسته دغه سړي، ياده شوې نجلۍ د هغې له کورنۍ څخه بېولې ده. د دغه سړي ګاونډيانو ډېر ژر له امنیتي ځواکونو سره اړیکه ټینګه کړه ځکه هغوی د ماشوم د پر له پسې ژړا او چغو غږونه اورېدل.
د هند پولیسو د دغه سړي پر وړاندې دوسیه پرانیستې ده او له یاد سړي نه یې څېړنې پیل کړې دي.