د پاکستان د لومړي وزیر عمران خان پخوانۍ برطانوۍ مېرمن “جمائما ګولډ اسمتھ” لخوا د خپل مخکنې میړه په اړه کړی ټویټ د ډېر لیدونکو له امله په ټاپ ټرینډ کې راغی.
جمائما ګولډ په ۱۸ د فبروری په آرټسټک انداز جوړ شوی د یو فرضي فلم پوسټر شیئر (خپور) کړ.
جمائما د فلمي پوسټر په خپرولو پوښتنه کړې ‘ څوک به د لولي وډ (پاکستانی فلم انډسټري) پوسټر نه خوښوې؟ او دا یې هم واضیح کړې ‘ چا چې دا پوسټر خپور کړی زما یو ملګري هغه په لاهور کې لیدلی دی.
د پوسټر تر څنګ جمائمه په پوسټر لیکل شوې اردو جمله هم په انګلیسې لیکلي:
( what kind of black magic did you do?)
جمائما چې د کوم فرضي فلم پوسټر خپور کړی په ياد پوسټر کې صدراعظم عمران خان په چوکۍ ناست دی چې د هغۀ مېرمن بشری’ بي بي او جمائما ګولډ اسمتھ انځورونه هم پکې شامل دي.
چې یاد فرضي فلم پوسټر باندې په اردو ژبه یوه جمله لیکل شوې:
” تا داسې څه جادو وکړ؟ “
د جمائما ګولډ اسمتھ دا پوسټ په څو ساعتونو کې ۴۰۰۰ کرتي (ځلې) ریټویټ یعنې شریک شوی چې د ۲۲ زره څخه ډېر لائیک شوی او په درجنونو کسانو په یاد ټویټ نظرونه ورکړي، چې وروسته وروسته، د جمایمه نوم ټوئټر په پاکستان کې تر ټولو لوی ټرینډ شو.
د جمائما ګولډ اسمتھ پر ټویټ خلکو رنګارنګ کمنټونه کړي، چې ځینو پرې حتا انتهایي نا مناسب کمنټونه هم کړي دي، که څه هم ځینو خلکو ښه کمنټونه کړي، چې پکې یې جمائما اوس هم د عمران خان ښه د ژوند ملګرې بللي ده.
د سپیناوې په موخه یو بل ټویټ !
د خلکو د قسما قسم ټویټونو(عکس العمل ښودلو) وروسته جمایما ګولډ اسمتھ د خپل کړي ټویټ د سپیناوې په موخه خلکو ته یو بل ټویټ وکړ، چې فلمي پوسټر والا پوسټ دې ډېر جدي نه نیسي، هغه یوازې یوه ټوکه وه، که څه هم په حقیقت هغه د پاکستاني فلمونو پوسټرز، د کوڅو آرټ او د ټرک آرټ یو ریښتینی انځور و.
د جمایما له ټویټ وروسته ” میمز بای ډاکټر نیب” نامي یوټر هینډل کوونکي یو بل د فرضي فلم پوسټر په خپرولو جمایما ته خطاب کې ویلي؛ په حقیقت کې هغه پوسټر کوم چې تا شیئر کړی جعلي و، اصلي یې دا یو دی.
جالبه یې دا ده، چې د “میمز بای ډاکټر منیب” له خوا په خپور شوي پوسټر کې د عمران خان سره د هغه دویمه مېرمن ” ریحان خان ” لیدل کېږي.
حسنین شاهین د جمایما او عمران خان ګډ انځور په خپرولو سره لیکي، مونږ ټول له تاسره ډېره مینه لرو.
ـ د یادونې وړ ده، چې عمران خان له جمایما سره په ۱۹۹۵ کې واده کړی او په ۲۰۰۴ کال کې یې طلاق شوی دی، له هغې وروسته یې په کال ۲۰۱۵ کې د یوې ټي وي (تلویزون) پرګرام چلوونکې “ریحان خان” سره دویم واده وکړ، چې دویم واده یې یوازې لس ۱۰ میاشتې دوام وکړ.
عمران خان دریم واده په کال ۲۰۱۸ فیبروری کې له بشرا بي بي سره کړی دی چې تر اوسه دوام لري.