ژباړه: پلوشه فضلي
په عصبي ناروغي اخته ۱۴ کلنه انجلۍ په ورځ کښي لس واري بیدېږي. د خوب کولو وخت یې نه وي مالوم، د لوبو په میدان، د سودا اخیستلو پر مهال او… په ناڅاپي ډول خوب ورځي او ویده کیږي.
نکول نومې انجلۍ په نارکو لیپسی عصبي مریضي اخته ده او دا ناروغي په ۶ کلنۍ کي ورپېښه سوې ده.
په دې ناروغي د اخته کسانو دماغ نه سي کولای چي د دوی د خوب وخت منظم کړي. نو ځکه نکول نومې انجلۍ د خندا او خوراک په وخت کښي بیده کېږي. دا خوب یوازي د څو دقیقو له پاره وي.
نکول که څه هم د یوې عجیبې ناروغۍ قرباني ده، خو بیا هم په ښوونځي کښي سل سلنه حاضري لري.
د نوموړې والدین وايي چي د تداوۍ وړاندي یې په شپه او ورځ کښي ۲۳ ساعته خوب کاوه. خو اوس له ۳ تر ۴ ساعتو خوب کوي؛ مګر غیر منظم- د څو دقیقو له پاره بیدېږي او بیا بیرته خپل عادي حالت ته راګرځي.