لیکنه: محمدصابر حمیدي
د اسپانیا هیواد د فوټبال سوپر کپ نیمه پایلوبو ته بارسلونا، ریال ماډریډ، ریال سوسیداد او اتلاتیک بلباوو فوټبال لوبډلو لاره پیداکړې وه.
لومړۍ نیمه پایلوبه د تیرې چهارشنبې په ماخستن د بارسلونا او ریال سوسیداد لوبډلو ترمنځ ترسره شوه، چې پکې لوبه یو ـ یو ګول مساوي شوه، خو وروسته درې پر دوه په پینالټیو کې بارسلونا بریا خپله کړه.
دویمه نیمه پایلوبه تېره پنجشنبه ماخستن د ریال ماډریډ او اتلاتیک بلباوو لوبډلو ترمنځ وه، چې اتلاتیک بلباوو ۲ ګولونه پر ۱ بریا خپله کړه.
په دې سره اوس د اسپانیا سوپر کپ پایلوبې ته بارسلونا او اتلاتیک بلباوو لوبډلو لاره پیداکړه.
دا دوې لوبډلې د دې جام پایلوبه نن یکشنبه ماخستن ۱۲:۳۰ بجې ترسره کوي.
