لیکنه: محمدصابر حمیدي
د افغانستان د کرکټ ملې لوبډلې ځوان الراونډر لوبغاړي عظمت الله عمرزي په خپلو تازه څرګندونو کې ویلې، چې ملې ټیم ته یې راتګ یو خوب و.
هغه د وي اوو اې پښتو څانګې سره په یوې ځانګړې مرکه کې زیاته کړه، چې د کورنۍ، دوستانو، مور او پلار د دعاوو په برکت یې پرمختګ وکړ او ملې لوبډله کې شامل شو.
هغه زیاته کړه:
‹‹ډېر د خوشحالۍ احساس کوم، چې په ملې لوبډله کې شامل شوم. ملې لوبډلې ته راتګ مې یو خوب و. د کورنۍ، دوستانو، مور او پلار د دعاوو په مټ دې ځای ته ورسېدم. امید شته د ایرلنډ په وړاندې چانس راکړل شي او زه به له خپل چانس څخه په سمه توګه استفاده وکړم.››
عظمت الله عمرزی لومړی په ۱۹ کلنه ملې لوبډله او له هغه وروسته بیا د شپږیزه کرکټ لیګ په تېر پړاو کې خورا ښه وځلېد، چې په مټ یې ملې لوبډلې ته لاره پیداکړه.
د VOA Pashto سره د ښاغلي عمرزي مرکه
https://www.facebook.com/voapashto/videos/473059194070177/
