د کرکټ ټرېکر په نوم یوې ورزشي ویبپاڼې راپور ورکړی، چې د هند هیواد په یو شمېر سریالونو کې اداکاري او موډلې آرشي خان ویلې، د افغانستان د نوي حکومت رامنځته کېدو یې د یوه افغان کرکیټر سره د واده کولو هیلې لمنځه یووړې.
راپور کې راغلې، آرشي خان ویلې، د روان کال په اکتوبر میاشت کې یې د یوه افغان کرکیټر سره واده کاوه، چې خبرې یې هم وروستۍ شوي وې، خو په افغانستان کې د نوي حکومت رامنځته کېدو یې دا هیله له خاورو سره یوځای کړه او ممکن نور دا اړیکه مخته ولاړه نشي.
راپور کاږي، چې آرشي ورته د کوم لوبغاړي نوم ندی اخیستی، خو ورته ویل شوي، چې یاد لوبغاړی ‹‹زوم›› د آرشي د پلار لخوا غوره شوی و.
آرشي زیاته کړې:
‹‹زه باید په اکتوبر میاشت کې د یوه افغان کرکيټر سره واده وکړم. هغه زما د پلار لخوا غوره شوی و. خو وروسته له هغې چې افغانستان د طالبانو واک ته ولوېد، موږ باید دا اړیکه پای ته ورسوو.››
د هغې په خبره:
‹‹ هغه هلک زما د پلار ملګری و، زه اوس هم ورسره اړیکه لرم او ملګري یو، خو اوس زه باوري یم، چې مور او پلار به ماته یو هندی خاوند راپیداکړي.››
https://www.facebook.com/600228316674560/posts/4934304389933576/
۳۱ کلنې آرشي خان د خپل ځان په اړه ویلې:
‹‹زه یوه افغانه یم او کورنۍ مي په یوسفزي قوم پورې اړه لري، زما نیکه له افغانستانه مهاجر شوی، زما رېښه په افغانستان کې ده, مګر زه د هند تبعه یم.››
